IL-MINISTRU GĦALL-EDUKAZZJONI, KULTURA, ŻGĦAŻAGĦ U SPORT, IŻŻUR IL-FIERA TAL-e -LEARNING
PR0947
29/05/2009
| Il-Ministru Dolores Cristina dal-għodu żaret | l-esibizzjoni “Embed ICT” imtella’ mid-Direttorat għall-Kwalità u Standards fl-Edukazzjoni bil-ħsieb li jkun ċelebrat it-tagħlim tat-teknoloġija tal-informatika fl-iskejjel sa mil-livell primarju. |
| F’din il-wirja wieħed seta’ jara diversi | proġetti maħduma mit-tfal tal-iskejjel primarji bl-għajnuna tal-għalliema tagħhom, li wħud minnhom tant laħqu livell għoli li kkompetew anke fuq livell Ewropew. |
| Bħala parti minn din iċ-ċelebrazzjoni kienu | ppremjati anke numru ta’ għalliema li mexxew lill-istudenti tagħhom biex ħolqu proġetti mill-aktar kreattivi, fl-okkażjoni tas-Sena tal-Kreattività u Innovazzjoni. |
| Fil-fiera kien hemm għaxar padiljuni, wieħed | għal kull Kulleġġ, fejn kull Kulleġġ wera l-proġetti maħduma mill-istudenti tiegħu. L-istudenti li żaru l-esibizzjoni pparteċipaw f’numru ta’ workshops interattivi li fihom urew il-ħiliet tagħhom fl-użu tal-computer u apparat elettroniku ieħor. |
| Matul din iż-żjara, il-Ministru Dolores Cristina | tkellmet ma’ numru kbir ta’ studenti u għalliema u filwaqt li ferħitilhom għall-proġetti li ħolqu, inkoraġġiethom biex ikomplu jiżviluppaw il-ħiliet tagħhom fil-qasam tal-informatika li hu u se jibqa’ wieħed mill-oqsma fejn pajjiżna jrid jilħaq livell ta’ eċċellenza u li se jkun jipprovdi diversi opportunitajiet ‘il quddiem. |
| Fil-Fiera ħadu sehem ukoll numru ta’ kumpannija | privati fosthom Microsoft, Design & Technology, Roamer u Lego. |
DOI – 29.05.2009
Other Press Releases:
PR261985
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...
PR261984