DISKORS MILL-ONOR. DOLORES CRISTINA, MINISTRU GĦALL-EDUKAZZJONI, KULTURA, ŻGĦAŻAGĦ U SPORT, FL-OKKAŻJONI TAL- FTUĦ TAL-ESIBIZZJONI ANNUS PAULINUS – IT-TLIETA 17 TA’ MARZU 2009
PR0470
18/03/2009
| Huwa l-pjaċir tiegħi li nkun hawn magħkom biex | flimkien niftħu din l-esibizzjoni Annus Paulinus. |
| Esibizzjoni li mhux biss turina l-kapaċità | artistika ta’ John Martin Borg imma wkoll esibizzjoni li tgħinna ngħożżu l-identità u l-valuri tal-poplu Malti. Il-miġja ta’ San Pawl f’Malta hi l-akbar ġrajja fl-istorja ta’ pajjiżna li ffurmat l-identità u sawret il-valuri tagħna bħala Maltin. |
| F’dinja li donnha trid tpoġġi fid-dubju dak | kollu li nemmnu fih u dak li għal ħafna snin konna nqisu bħala fatti storiċi innegabbli, wirja bħal din għandha tkompli ssaħħaħna mhux biss fit-twemmin tagħna imma għandha wkoll tafferma l-veritajiet li wasslulna missirijietna u li huma konfortati b’fatti u b’dokumenti dwar din l-isbaħ paġna fl-istorja ta’ Malta – il-miġja ta’ San Pawl li ġabilna l-fidi nisranija. |
| F’soċjetà li qiegħda ssir aktar globalizzata, | hemm it-theddida li nitilfu l-identità partikulari tagħna. Għalhekk hemm bżonn li nħarsu l-identità tagħna aktar minn qatt qabel u nemmen li l-arti tista’ tkun tieqa moderna li minnha nuru u nesponu din l-identità li tagħmilna Maltin. |
| L-importanti hu, u nemmen li din l-esibizzjoni | turina biċ-ċar, li l-identità hemm bżonn tiġġedded ukoll maż-żmienijiet. Għalkemm tibqa’ msawra fina bħala poplu, irridu nħaddnuha fl-individwalità tagħna wkoll. Hekk jagħmel l-artist. Permezz tal-pitturi tiegħu, John Martin Borg, qiegħed jesprimi ruħu u l-emozzjonijiet tiegħu bbażati fuq din l-identità u l-valuri ta’ poplu. Għalhekk l-espressjoni individwali għanda rwol importanti fil-ħarsien u fit-tiġdid tal-identità tagħna. L-individwu kapaċi jssaħħaħ dawn il-valuri kollettivi permezz tal-kontribut tiegħu. John Martin Borg qiegħed jagħmel dan bil-pitturi tiegħu u nixtieq nifraħlu u nirringrazzjaħ tal-kontribut tiegħu. |
| Tikkumplimenta din l-espressjoni individwali | hawn ukoll esibiti numru ta’ oġġetti arkeoloġiċi u storiċi li jkomplu jgħinnu lill-viżitatur fil-mixja li tiskopri u saħħaħ l-identità tal-poplu tagħna. |
| Hawhekk nixtieq nirringrazzja lil Heritage Malta | u lid-Dipartiment tal-Istorja ta’ l-Arti tal-Università ta’ Malta għax-xogħol tagħhom f’din l-esibizzjoni. Qed naraw fil-prattika kollaborazzjoni interessanti fejn flimkien max-xogħlijiet artistiċi ta’ John Martin Borg, l-arti moderna tingħaqad mal-passat storiku b’mod innovattiv u informattiv. |
| Filwaqt li nawgura lil John Martin Borg aktar | suċċessi fil-karriera artistika tiegħu, nispera li jkun hemm aktar kollaborazzjonijiet ta’ din it-tip li jkomplu jġeddu l-identità tagħna. |
Other Press Releases:
PR261985
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...
PR261984