IL-PRIM MINISTRU JINAWGURA SKOLA ĠDIDA OĦRA
PR0436
13/03/2009
| Dal-għodu l-Prim Ministru Lawrence Gonzi | inawgura uffiċjalment l-iskola sekondarja tas-Subien, fil-Kulleġġ Santa Margerita Bormla. |
| Fid-diskors tiegħu, il-Prim Ministru qal li | l-okkażjoni tal-lum tmur lil hinn mill-ftuħ tal-bini ġdid, armat u attrezzat bl-iktar faċilitajiet ġodda u moderni. Hija fuq kollox ċelebrazzjoni għall-għalliema u l-istudenti tagħna li jaħdmu u jitgħallmu f’dan il-bini; kif ukoll għall-amministraturi, l-istaff kollu ta’ din l-iskola u l-ġenituri li għandhom lill-uliedhom f’din l-iskola. |
| “Nemmen li f’dan l-ambjent ġdid, flimkien | mal-ħila u d-dedikazzjoni tal-għalliema tagħkom, kull wieħed u waħda minkom se tiżviluppaw il-personalità, il-potenzjal u t-talenti kollha tagħkom”, qal il-Prim Ministru waqt li indirizza b’mod dirett lill-istudenti. |
| “Il-Gvern jibqa’ jqis l-edukazzjoni bħala | s-sies u l-qofol ta’ kollox. Hi l-aqwa għodda biex tgħin u tixpruna lill-poplu tagħna lejn żvilupp sħiħ ta’ kull persuna u tibqa’ l-bażi tal-progress ekonomiku, soċjali u ambjentali. Għalhekk il-Gvern irid li pajjiżna jagħti l-aħjar edukazzjoni lil uliedna żgħar, żgħażagħ kif ukoll lill-adulti. |
| F’dawn l-aħħar ħames snin, il-Gvern ta enfasi | qawwija fuq l-edukazzjoni f’kull livell. Hu rringrazzja lill-ex Ministru Louis Galea tal-ħidma li wettaq u tar-riformi li nieda fl-edukazzjoni. Dan huwa Gvern li ta u qiegħed jagħti ħafna attenzjoni lill-edukazzjoni bikrija, obbligatorja, kif ukoll post-sekondarja u dik tul il-ħajja. Qegħdin ninvestu fl-infrastruttura u fin-nies biex tabilħaqq ikollna edukazzjoni ta’ kwalità għal kulħadd.” |
| “Fl-aħħar snin rajna investiment qawwi f’dik li | hi infrastruttura. Komplejna ninvestu f’aktar child care centres. Hekk kif illum qed ninawguraw skola ġdida, qed jinbnew tlieta oħra, il-Mosta, Pembroke u Għawdex. U din il-ġimgħa l-Gvern ħabbar li se jinvesti fi skola sekondarja ġdida oħra għat-tfajliet fil-Ħandaq.” |
| Il-Prim Ministru qal li l-iskola inawgurata llum | f’Bormla hi wieħed minn sensiela ta’ proġetti li saru fl-inħawi, fosthom l-isports complex, id-dar tal-anzjani, iċ-ċentru Aċċess, Ġnien Kottonera, il-yacht marina u proġetti ta’ akkomodazzjoni soċjali. |
| Il-Prim Ministru żar il-klassijiet u | l-laboratorji u ltaqa’ mal-istudenti u l-għalliema. Bl-investiment fit-teknoloġija tal-informatika, illum it-tfal għandhom aċċess għall-kompjuter u l-internet sa minn età żgħira. Matul is-sena li għaddiet, tqassmu mal-10,000 kompjuter lill-għalliema u lill-klassijiet. |
| Il-Prim Ministru qal li huwa dejjem ta’ | sodisfazzjon kbir meta jara l-entużjażmu tat-tfal tagħna fl-iskejjel mgħammrin bl-aħħar teknoloġiji li jgħinuhom jitgħallmu bl-aktar mod kreattiv. |
| Pajjiżna hu wieħed minn 6 pajjiżi Ewropej fejn | l-iskejjel kollha għandhom l-internet. |
| Il-Prim Ministru żar ukoll il-faċilitajiet | sportivi fl-iskola. Dawn il-faċilitajiet jikkumplimentaw l-isports complex fil-Kottonera. |
| Il-Prim Ministru rringrazzja wkoll | lill-għalliema. “Grazzi ta’ dak kollu li qed tagħmlu ma’ wlied il-poplu tagħna”, sostna Lawrence Gonzi. |
| “Għalina l-ġenituri, it-tfal huma l-mimmi | t’għajnejna. Nagħmlu kollox għalihom. U bħala Gvern dan is-sentiment qed inwettquh għaliex irridu li uliedna jirnexxu lkoll.” |
Other Press Releases:
PR261985
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...
PR261984