Left arrow Go Back

STQARRIJA TAL-KULLEĠĠ MALTI GĦALL-ARTI, XJENZA U TEKNOLOĠIJA

PR0313
Date Icon 25/02/2009
B’riferenza għal dak li qal l-Onor. EvaristBartolo, il-kelliem tal-Oppożizzjoni għall-Edukazzjoni dwar l-MCAST, il-Kulleġġ Malti għall-Arti, Xjenza u Teknoloġija jixtieq jikkjarifika dan li ġej.
Fil-bidu tas-sena akkademika l-Kulleġġ kellul-lecturers kollha li kien jeħtieġ skond in-numru ta’ studenti u l-varjeta’ ta’ korsijiet li joffri.  Il-kulleġġ joffri 120 kors differenti lil aktar minn 4,700 student.  Kull kors jinkludi numru ta’ suġġetti differenti.
Ġara, kif spiss jista’ jiġri, li matul is-senaakkademika, numru ta’ lecturers, għal raġunijiet differenti, telqu jew kellhom bżonn jassentaw ruħhom mill-Kulleġġ.  Fost dawn kien hemm minn ħareġ b’leave tal-maternita’ jew b’parental leave kif għandu dritt jagħmel bil-liġi, kien hemm oħrajn li mardu u ma setgħux jattendu, oħrajn telqu għax sabu opportunitajiet oħra kemm f’Malta kif ukoll barra l-pajjiż.  Żgur li l-Onor. Bartolo ma jistax jgħid li l-amministrazzjoni tal-Kulleġġ kellha kontroll fuq dawn l-affarijiet.
L-awtoritajiet tal-MCAST min-naħa tagħhom kullmeta jkun hemm xi vakanza jieħdu ħsieb li jirreklutaw lecturers oħra malajr kemm jista’ jkun.  Dan irid isir skond il-liġi u r-regolamenti u neċessarjament jieħu xi ħin.  Lecturer mhux oġġett li tista’ taqbad u tixtrih meta tiġi bżonnu.  Anke meta ssib nies kapaċi li jistgħu u jkunu lesti jimlew il-vakanzi li jinħolqu, ħafna drabi dawn, skond il-liġi, jkunu jridu jagħtu avviż lil min ikun qed iħaddimhom qabel u dan ukoll jista’ jieħu xi żmien.
It-tmexxija tal-MCAST trid tassiguralill-pubbliku li l-interess tal-istudenti hu dejjem fil-quċċata tal-aġenda ta’ din l-istituzzjoni u ma jsir xejn li għandu jwassal studenti biex jitilqu mill-Kulleġġ.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U MILL-MINISTERU GĦALL-POLITIKA SOĊJALI U L-FAMILJA   Aktar għarfien dwar is-saħħa mentali fost it-tfal

PR261985

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...

STQARRIJA MILL-UFFIĊĊJU TAL-PRIM MINISTRU  Il-Prim Ministru Robert Abela jippresjedi l-iffirmar ta’ tliet ftehimiet kollettivi għal madwar 1,700 ħaddiem

PR261984

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela ji...

More Press Releases Right arrow