PUNTI MID-DISKORS TAL-ONOR. AUSTIN GATT, MINISTRU GĦALL-INFRASTUTTURA, TRASPORT U KOMUNIKAZZJONI WAQT IT-TNEDIJA TAL-PROĠETT TA’ SANT IERMU – VALLETTA – 17 TA’ FRAR 2009
PR0247
17/02/2009
| Imiss it-tielet proġett mill-viżjoni | tal-Gvern għall-Port il-Kbir u l-Port ta’ Marsamxett. |
| Il-proġett ta’ Sant Iermu, hu bla dubju | wieħed mill-akbar sfidi li għandu dan il-Ministeru, għar-riġenerazzjoni ta’ din iż-żona tal-Belt. |
| Il-Forti Sant Iermu nbena mill-Kavallieri | f’nofs is-seklu sittax (1550), u kien l-ewwel forti tal-Belt (fil-fatt il-Forti Sant Iermu nbena qabel il-Belt Valletta). Matul iż-żminijiet saru xi interventi, iżda issa wasal iż-zmien li jsir restawr u riġenerazzjoni tal-Forti kollu u ż-żona ta’ madwar. |
| Fil-viżjoni tiegħu ppubblikata fl-2007, | il-Gvern kien ħabbar diversi ideat għar-riġenerazzjoni tal-Port il-Kbir. Kienet twaqqfet il-Grand Harbour Regeneration Corporation u bdiet il-konsultazzjoni. Minn meta ħabbarna l-viżjoni tal-Gvern, saru diversi studji dettaljati u anke twaqqaf Steering Committee magħmul minn esperti. |
L-Isteering Commitee huwa magħmul minn:
| Mark Portelli, li huwa c-Chairman tal-Grand | Harbour Regeneration Corporation, u huwa wkoll ic-Chairman tal-Malta Maritime Authority, |
| Joseph Said, presentament huwa c-Chairman | tal-Heritage Malta, CEO u direttur tal-Lombard Bank u anke Chairman tal-MaltaPost, |
| Stephen Spiteri, superintendent responsabbli | mill-fortifikazzjonijiet u awtur ta’ diversi kotba relatati mal-fortifikazzjonijiet u storja militari. |
| Claude Borg, koordinatur eżekuttiv | tal-progetti ghar-riabilitazzjoni tal-Belt Valletta, l-Imdina u tal-Kottonera; huwa wieħed mill-bord għad-diploma fit-teknologija għall-konservazzjoni u wkoll Perit. |
Martin Galea, President ta’ din l-Art Helwa,
| Joseph Caruana, Direttur Ġenerali f’dan | il-Ministeru, |
| Joe Magro Conti, Manager tal-Heritage | Planning Unit fi ħdan il-MEPA, awtur ta’ diversi pubblikazzjonijiet li jitrattaw l-arkeoloġija u l-management tal-wirt storiku; għandu wkoll Masters Degree fiż-żamma tal-Wirt Storiku, |
| Jesmond Schembri, Kap tas-Segretarjat | responsabbli mit-Turiżmu, |
| Chris Paris, CEO tal-Korporazzjoni | għar-Riġenerazzjoni tal-Port il-Kbir u Deputy Chairman tal-Malta Industrial Parks. |
| Għall-parti ta’ fuq ta’ Sant Iermu li hi | fil-livell tal-Belt, il-ħsieb dejjem kien li din taqdi funzjoni aktar pubblika. Il-Gvern irid li hawn jintuża għal manifestazzjonijiet pubbliċi ta’ natura kulturali u artistika. Din il-parti tal-Forti tista’ tiġi adottata għal attivitajiet li jsiru fil-miftuħ jew jeħtieġu spazji flessibbli. |
| Sabiex jista’ jitgawda dan kollu, hemm | il-ħtieġa li l-Forti jkun aċċessibbli u miftuħ għal min ikun qiegħed jimxi. |
| Dan il-proġett ser jara li tinħoloq | passiġġata miftuħa għall-pubbliku li tibda minn ħdejn l-MCC u twasslek sas-swar ta’ Caraffa u l-inħażen ta’ Pinto. Din il-mixja tagħmel parti mill-viżjoni tal-Gvern li tinħoloq mixja kontinwa minn ta’ Sliema sa Sant Iermu. |
| Il-ħsieb hu li l-parti t’isfel ta’ Sant Iermu | ssir Cruise Passenger Terminal. |
| Proġett ieħor hu li titneħħa t-triq ta’ Fuq | il-Fosos. Kif tafu tajjeb, fis-snin sebgħin parti mill-fosos ta’ quddiem il-Forti Sant Iermu ndifnu taħt it-triq il-ġdida li ħarbtet il-kontinwità tas-swar fuq in-naħa tal-port il-kbir, bniet pont li għalaq l-aċċess għall-foss ta’ madwar il-Forti u ħassret id-dehra tal-fosos fl-intrata fuq l-art tal-Forti. |
| Parti integrali tal-parti ta’ fuq ta’ Sant | Iermu hu l-Fanal (Lighthouse) li kien iħares fuq il-bokkok taż-żewġ portijiet. Dan kien inħatt mill-Ingliżi għal raġunijiet ta’ difiża qabel it-Tieni Gwerra. |
| Ir-rikostruzzjoni tal-fanal ta’ Sant Iermu | għandha skop estetiku u toħloq l-opportunità ta’ promontorju għoli li jħares fuq iż-żewġ portijiet tal-Belt. |
| Proġett ieħor hu li tinbena lukanda ġdida | flok il-Laboratorju Evans. Kulħadd jaqbel li din il-binja hi ġerħa viżwali fiż-żona fejn tinsab, b’Dar il-Mediterran fuq naħa u ċ-Ċentru tal-eżamijiet fuq in-naħa l-oħra. |
| Din il-lukanda ser ikollha missjoni doppja - | li tipprovdi għall-attivitajiet ta’ Cruise Liners, kif ukoll tal-konferenzi internazzjonali organizzati f’Dar il-Mediterran. Id-disinn tal-lukanda l-gdida jsir b’mod li jerġa’ jġib fid-deher u jippermetti l-iskavar tas-sit fejn kien hemm il-Kappella tal-Għadam u ċ-Ċimiterju qrib dik li kienet is-Sagra Infermerija. |
| L-istess kumitat, flimkien mal-Korporazzjoni | għar-Riġenerazzjoni tal-Port il-Kbir qed jistudjaw ukoll il-possibilità li japplikaw għall-fondi tal-EU għal dan il-proġett. |
| L-għan prinċipali ta’ dawn il-proġetti hu li | tkompli r-riġenerazzjoni tal-Belt u bis-saħħa ta’ dawn il-progetti u oħrajn li għaddejjin, il-Belt Valletta tingħata l-ħajja minn Bieb il-Belt sa Sant Iermu. |
| Il-Gvern qed jimxi bil-għaqal u qed jinvesti | f’mument fejn id-dinja għaddejja minn kriżi finazjarja u t-turiżmu hu baxx. Dan l-investiment ikun żgur ta’ attrazzjoni ġdida għat-turist u proġetti għall-familja Maltija. |
Other Press Releases:
PR261985
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...
PR261984