IL-PRESIDENT JIBDA ŻJARA UFFIĊJALI FL-IMĠARR
PR0178
05/02/2009
| “Inħarsu ’l quddiem | b’entużjażmu għal dak li nistgħu nagħmlu fil-futur għall-ġid komuni” stqarr il-President Eddie Fenech Adami meta, akkumpanjat mis-Sindku Paul Vella, beda żjara uffiċjali fl-Imġarr fejn iltaqa’ mal-mitejn u ħamsin student tal-Iskola Primarja Mġarr, Kulleġġ San Nikola. |
| Hu u dieħel fl-iskola | fir-raħal pittoresk, numru sabiħ ta’ studenti ċkejknin tal-kindergarten laqgħuh bi bnadar Maltin. Wara segwa programm ta’ kant u filmati fuq il-ħajja u s-servizzi varji edukattivi mħejjin apposta mill-istudenti u l-għalliema. |
| Il-President qal li | kien ta’ pjaċir għalih li fi żjarat bħal dawn jara l-livell għoli li laħqet l-edukazzjoni f’pajjiżna fejn it-taħriġ fl-iskejjel iservi biex l-istudenti jiżviluppaw il-karattru u l-kapaċitajiet tagħhom. |
| Il-President Fenech | Adami sostna illi ż-żmien tal-iskola huwa żmien importanti sabiex miċ-ċokon inkunu nafu l-għeruq tagħna u min aħna bħala Maltin. Hawnhekk irringrazzja lill-għalliema għad-dedikazzjoni tagħhom fit-taħriġ u ħeġġeġ li titkompla l-għożża tal-valuri tradizzjonali. |
| Filgħaxija | l-President iltaqa’ mal-għaqdiet volontarji fejn sema’ fuq ħidmiethom fil-qasam soċjali, kulturali, sportiv u ambjentali. Il-President qal li fir-raħal qegħdin dejjem jiżdiedu għaqdiet ġodda, “is-sinsla għall-ġid komuni fil-villaġġ”. |
| Nhar il-Ħadd, il-President | flimkien mas-Sinjura Fenech Adami jkomplu ż-żjara tagħhom fl-Imġarr meta ser jiltaqgħu mar-residenti tal-Imġarr. |
Other Press Releases:
PR261985
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...
PR261984