Left arrow Go Back

STQARRIJA MILL-MINISTERU GĦALL-INTERN, IS-SIGURTÀ, IR-RIFORMI U L-UGWALJANZA Inwettqu Flimkien: Iffirmat l-ewwel ftehim kollettiv għall-ħaddiema tal-Aġenzija għall-Protezzjoni Internazzjonali

pr230443
Date Icon 24/03/2023

Ġie ffirmat l-ewwel ftehim kollettiv għall-ħaddiema tal-Aġenzija għall-Protezzjoni Internazzjonali, fil-Ministeru għall-Intern, is-Sigurtà, ir-Riformi u l-Ugwaljanza, bejn il-gvern u l-Unjin Ħaddiema Magħqudin (UĦM) - Voice of the Workers. Dan il-ftehim se jwassal biex diversi uffiċjali fi gradi rispettivi se jkunu qed jaraw titjib fil-kundizzjonijiet tax-xogħol u anke żidiet fis-salarji. 

Dan il-ftehim hu għal erba’ snin u jkopri sas-sena 2025, u għalhekk il-ħaddiema kollha se jingħataw l-arretrati b’lura mis-sena 2021. Permezz ta’ dan il-ftehim, l-impjegati tal-aġenzija se jkunu qed jiffurmaw parti minn struttura ġdida li se toffrilhom opportunitajiet aħjar għal progress fil-aġenzija. Fl-istess ftehim qed jiddaħħlu wkoll miżuri li joħolqu bilanċ bejn il-kwalità tal-ħajja u x-xogħol, filwaqt li jissalvagwardjaw is-saħħa mentali tal-impjegati. 

L-iffirmar tal-ftehim sar fil-preżenza tal-Ministru għall-Intern, is-Sigurtà, ir-Riformi u l-Ugwaljanza, Byron Camilleri, li spjega li dan huwa wieħed mid-disa’ ftehimiet kollettivi ffirmati fl-aħħar snin fil-Ministeru għall-Intern.  

Il-Ministru Camilleri tenna l-impenn li jiġi assigurat li kull entità jkollha ftehim kollettiv li jwassal għal kundizzjonijiet tax-xogħol tajba u salarji aħjar għall-ħaddiema. F’dan il-każ, il-ħaddiema li magħhom kien iffirmat il-ftehim tal-lum għandhom rwol importanti fis-sistemi marbuta mal-immigrazzjoni, hekk kif din l-aġenzija hi responsabbli mill-evalwazzjonijiet u mid-deċiżjonijiet marbuta mal-applikazzjonijiet għall-ażil. Hu temm billi rrikonoxxa l-impenn kontinwu tal-ħaddiema kollha tal-Aġenzija għall-Protezzjoni Internazzjonali u rringrazzjahom ta’ ħidmiethom. 

L-iffirmar tal-ftehim sar mill-Kap Eżekuttiv tal-Aġenzija għal-Protezzjoni Internazzjonali, Malcolm Cutajar, flimkien ma’ rappreżentanti tal-impjegati tal-istess aġenzija, kif ukoll ma’ rappreżentanti tal-UĦM. 

Is-Sur Mario Sacco, Direttur fil-UĦM – Voice of the Workers, qal li dan hu l-ewwel ftehim kollettiv għal din l-aġenzija u li joffri titjib fil-kundizzjonijiet tax-xogħol filwaqt li ħoloq struttura ta’ karriera għall-impjegati.

Preżenti għal dan il-ftehim kien hemm is-Segretarju Permanenti fil-Ministeru għall-Intern, is-Sigurtà, ir-Riformi u l-Ugwaljanza, Emmanuel Psaila, is-Segretarju Permanenti fl-Uffiċċju tal-Prim Ministru, Joyce Cassar, u rappreżentanti mit-taqsima tar-relazzjonijiet industrijali fl-Uffiċċju tal-Prim Ministru.

STQARRIJA MILL-MINISTERU GĦALL-INTERN, IS-SIGURTÀ, IR-RIFORMI U L-UGWALJANZA Inwettqu Flimkien: Iffirmat l-ewwel ftehim kollettiv għall-ħaddiema tal-Aġenzija għall-Protezzjoni Internazzjonali
STQARRIJA MILL-MINISTERU GĦALL-INTERN, IS-SIGURTÀ, IR-RIFORMI U L-UGWALJANZA Inwettqu Flimkien: Iffirmat l-ewwel ftehim kollettiv għall-ħaddiema tal-Aġenzija għall-Protezzjoni Internazzjonali
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-AKKOMODAZZJONI U L-ARTIJIET  Żjara fuq il-lant ta’ proġett ta’ 55 unit residenzjali ġdid f’Ħaż-Żebbuġ għal familji vulnerabbli

PR261940

STQARRIJA MILL-MINISTERU GĦALL-AKKOMODAZZJONI U L-ARTIJIET Żjara fuq il-la...

STQARRIJA MILL-MINISTERU GĦAL GĦAWDEX  ŻiguŻajg jirritorna Għawdex għat-tielet darba bil-produzzjoni ‘What’s Missing’ għall-istudenti

PR261939

STQARRIJA MILL-MINISTERU GĦAL GĦAWDEX ŻiguŻajg jirritorna Għawdex għat-tie...

More Press Releases Right arrow