Left arrow Go Back

STQARRIJA MILL-MINISTERU GĦALL-AKKOMODAZZJONI U L-ARTIJIET Żjara fuq il-lant ta’ proġett ta’ 55 unit residenzjali ġdid f’Ħaż-Żebbuġ għal familji vulnerabbli

PR261940
Date Icon 17/11/2026

Il-Ministru għall-Akkomodazzjoni u l-Artijiet Owen Bonnici żar ix-xogħlijiet li jinsabu għaddejjin fuq proġett ta’ bini ta’ units f’Ħaż-Żebbuġ li jinsab fi Triq Luigi Fontana, fil-kantuniera ma’ Triq Serafin Tanti u Triq Ħal Sajd.

 

Il-proġett jinvolvi l-bini ta’ 55 unit residenzjali għal familji vulnerabbli mifruxa fuq il-livell tal-pjan terran, l-ewwel, it-tieni u t-tielet sular. Il-proġett jinkludi wkoll 33 garaxx u 12-il spazju għal parkeġġ fil-livell ta’ taħt l-art.

 

Waqt iż-żjara, il-Ministru Bonnici ġie aġġornat dwar il-progress tal-proġett u x-xogħlijiet li għaddejjin bħalissa, li jirriflettu l-impenn kontinwu biex tissaħħaħ l-akkomodazzjoni soċjali f’pajjiżna.

 

“L-investiment fl-akkomodazzjoni huwa investiment dirett fil-kwalità tal-ħajja tan-nies. Għalina huwa importanti li nkomplu noħolqu aktar opportunitajiet biex familji li ġenwinament jeħtieġu l-għajnuna jsibu stabbiltà, serħan il-moħħ u post li jistgħu jsejħulu dar. Proġetti bħal dan huma parti minn ħidma konkreta biex ħadd ma jibqa’ lura,” qal il-Ministru Bonnici.

 

Bħalissa, ix-xogħlijiet qed jiffukaw fuq il-konsolidazzjoni u l-istabbilizzazzjoni tat-tħaffir, b’mod partikolari fil-parti li tmiss ma’ proprjetajiet ta’ terzi. Dan qed isir permezz tat-twaqqif ta’ pilastri (piles) u l-kostruzzjoni tar-raġġ strutturali ta’ fuqhom (capping beam), sabiex tiġi żgurata l-istabbiltà taż-żona waqt il-fażijiet sussegwenti tal-proġett.

 

L-investiment f’dan il-proġett jammonta għal €6 miljuni, filwaqt li t-tlestija tiegħu hija mistennija għal Settembru tal-2028.

Preżenti għal din iż-żjara kien hemm il-Kap Eżekuttiv tal-Housing Project Solutions Thomas Tanti u ċ-Chairperson tal-Awtorità tad-Djar Robert Ducker.

STQARRIJA MILL-MINISTERU GĦALL-AKKOMODAZZJONI U L-ARTIJIET  Żjara fuq il-lant ta’ proġett ta’ 55 unit residenzjali ġdid f’Ħaż-Żebbuġ għal familji vulnerabbli
STQARRIJA MILL-MINISTERU GĦALL-AKKOMODAZZJONI U L-ARTIJIET  Żjara fuq il-lant ta’ proġett ta’ 55 unit residenzjali ġdid f’Ħaż-Żebbuġ għal familji vulnerabbli
STQARRIJA MILL-MINISTERU GĦALL-AKKOMODAZZJONI U L-ARTIJIET  Żjara fuq il-lant ta’ proġett ta’ 55 unit residenzjali ġdid f’Ħaż-Żebbuġ għal familji vulnerabbli
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦAL GĦAWDEX  ŻiguŻajg jirritorna Għawdex għat-tielet darba bil-produzzjoni ‘What’s Missing’ għall-istudenti

PR261939

STQARRIJA MILL-MINISTERU GĦAL GĦAWDEX ŻiguŻajg jirritorna Għawdex għat-tie...

PRESS RELEASE BY THE MINISTRY FOR EQUALITY AND CIVIL RIGHTS Malta records one of the strongest improvements in gender equality in the EU

PR261938en

PRESS RELEASE BY THE MINISTRY FOR EQUALITY AND CIVIL RIGHTS Malta records o...

More Press Releases Right arrow