LAQGĦA GĦALL-MEXXEJJA TAL-ENTIJIET KULTURALI
pr1245
17/07/2009
| Il-Ministru għall-Edukazzjoni, | Kultura, Żgħażagħ u Sport, Dolores Cristina l-lum iltaqgħet maċ-Chairpersons u l-Uffiċjali Eżekuttivi Ewlenin tal-entijiet kulturali tal-gvern li jaqgħu taħt ir-responsabbilta’ tagħha u esprimiet ix-xewqa li l-pajjiż ikollu Kalendarju Kulturali biex kemm il-Maltin kif ukoll it-turisti jkunu jistgħu jagħmlu l-għażliet tagħhom mill-kwantita’ kbira ta’ attivitajiet kulturali ta’ kwalita’ li qed joffri l-pajjiż. |
| Il-Ministru qalet li l-pajjiż | joffri għażla kbira ta’ attivitajiet kulturali f’xhur partikolari filwaqt li xhur oħra jkun fihom anqas attivitajiet u għalhekk il-ħtieġa ta’ ppjanar u programazzjoni aħjar biex il-pubbliku jkollu ċans jattendi u japprezza aktar attivitajiet kulturali li jkunu mifruxa matul is-sena kollha. |
| Issemmiet ukoll il-ħtieġa li | l-entijiet kulturali jiġbru r-riżorsi tagħhom u jaħdmu flimkien f’oqsma partikolari bħalma huma l-pubbliċita’ u r-reklamar, servizz ta’ trasport wara l-attivitajiet kulturali u oqsma oħra li minnhom jistgħu jibbenefikaw kemm l-entijiet kulturali nfushom kif ukoll il-pubbliku in ġenerali. |
| L-Onor. Dolores Cristina ħabbret | li fil-ġimgħat li ġejjin se titnieda għal konsultazzjoni, il-politika kulturali nazzjonali iżda saħqet li hemm bżonn ukoll li nfasslu politika kulturali għat-tfal tagħna biex dawn jibdew japprezzaw il-kultura sa minn eta’ żgħira. |
| Preżenti għal-laqgħa kien hemm | ic-Chairman tal-Kunsill Malti għall-Kultura u l-Arti, iċ-Chairman u l-Kap Eżekuttiv tat-Teatru Manoel u ċ-Ċentru tal-Konferenzi; iċ-Chairman u l-Kap Eżekuttiv taċ-Ċentru għall-Kreattiva tal-Kavallier San Ġakbu u u ċ-Chairman u l-General Manager tal-Orkestra Filarmonika Nazzjonali. |
| Dawn l-istituzzjonijiet se | jkomplu jiltaqgħu biex ifasslu programmi u inizjattivi flimkien. |
Stqarrijiet Oħra:
PR261985
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...
PR261984