Left arrow Mur Lura

SKOLA SAJF F’GĦAWDEX – PARTEĊIPAZZJONI TA’ AKTAR MINN 500 TIFEL U TIFLA

pr1232
Date Icon 16/07/2009
Madwar ħames mitt tifel u tifla mill-iskejjelprimarji ta’ Għawdex, qed jattendu attivitajiet koordinati mill-Ministeru għal Għawdex, b’kollaborazzjoni mat-taqsima ta’ Skola Sajf fi ħdan id-Diviżjoni tal-Edukazzjoni, f’ċentri fl-iskejjel fi ħdan il-Gozo College, u f’ċentri oħrajn fl-Oratorju Don Bosco u l-Arka Respite Centre. Bħal snin oħra, f’Għawdex qed jiġi organizzat ukoll Club Sajf.
L-attivitajiet organizzati fi tnax-il ċentruwaqt Skola Sajf jiffokaw fuq tagħlim permezz tal-logħob, filwaqt li Club Sajf, li jilqa’ tfal mill-ewwel sat-tielet klassi, jinkludi wkoll tagħlim skolastiku. L-attivitajiet qed ikunu animati minn studenti għalliema u jinkludu żfin, logħob, qari, tpinġija u attivitajiet oħra, fosthom tagħlim fuq prattiċi tajbin għas-saħħa bħal dieta bilanċjata u eżerċizzju fiżiku.  Din is-sena qed tittieħed inizjattiva ġdida, fejn żewġ għalliema tat-Taljan qed iduru ċ-ċentri kollha b’mod regolari, sabiex it-tfal jibdew tagħlim bażiku fit-tielet lingwa. Għalliema oħra qed jippreparaw lit-tfal biex fi tmiem is-sajf jiġu organizzati wirjiet ta’ talent bil-parteċipazzjoni tat-tfal miċ-ċentri kollha f’Għawdex. Ser isiru wkoll skambji ta’ attivitajiet bejn tfal li qed jattendu skola sajf f’Għawdex ma’ oħrajn f’Malta. Permezz ta’ dawn l-iskambji studenti Għawdxin ser iqattgħu xi jiem f’Malta filwaqt li grupp ta’ tfal Maltin se jkunu ospitati f’Għawdex.
Minbarra attivitajiet fiċ-ċentri, jiġuorganizzati wkoll ħarġiet kulturali. Għal dawn l-aħħar snin Skola Sajf f’Għawdex ingħaqdet ma’ Heritage Malta biex toffri opportunità lit-tfal li jattendu Skola Sajf f’Għawdex, biex isiru jafu aktar dwar il-patrimonju storiku fil-gżira Għawdxija.
F’attività li ġiet organizzata dalgħodufiċ-Ċittadella, tfal minn żewġ ċentri ta’ Skola Sajf żaru s-sit fejn qegħdin isiru xogħlijiet konnessi mar-restawr tas-swar taċ-Ċittadella. Waqt din iż-żjara, it-tfal ġew murija diversi aspetti b’rabta mal-proċess ta’ restawr ta’ dawn is-swar.
Il-Ministru għal Għawdex, l-Onor. GiovannaDebono kienet preżenti waqt din iż-żjara u spjegat kif dan ir-restawr huwa parti minn proġett nazzjonali kofinanzjat minn fondi Ewropej, fejn se jiġu restawrati tul ta’ madwar 6 kilometri ta’ swar madwar Malta u Għawdex b’finanzjament ta’ madwar €36 miljun. Il-Ministru saħqet li lkoll għandna napprezzaw aktar il-wirt storiku ta’ pajjiżna filwaqt li nirrikonoxxu l-importanza tal-konservazzjoni u l-ħarsien tiegħu.
Skola Sajf f’Għawdex fetħet din il-ġimgħa umistennija tibqa’ għaddejja sa l-ewwel ġimgħa ta’ Settembru.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U MILL-MINISTERU GĦALL-POLITIKA SOĊJALI U L-FAMILJA   Aktar għarfien dwar is-saħħa mentali fost it-tfal

PR261985

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...

STQARRIJA MILL-UFFIĊĊJU TAL-PRIM MINISTRU  Il-Prim Ministru Robert Abela jippresjedi l-iffirmar ta’ tliet ftehimiet kollettivi għal madwar 1,700 ħaddiem

PR261984

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela ji...

Aktar Stqarrijiet Right arrow