Left arrow Go Back

L-GĦAŻLA TA’ KARRIERA FIT-TURIŻMU TIBNI FUQ L-OSPITALITÀ TAGĦNA BĦALA POPLU

PR1102
Date Icon 26/06/2009
“L-għan ewlieni tal-programm CHOICEtal-Awtorità tat-Turiżmu huwa li jsaħħaħ il-kuxjenza fuq it-turiżmu u jippromwovi l-karrieri fl-istess qasam mat-tfal fl-iskejjel sekondarji Maltin u Għawdxin. Karriera fit-turiżmu hija karriera li toffri għażla u li tibni fuq l-ospitalità tradizzjonali tagħna bħala poplu.”
Is-Segretarju Parlamentari għat-Turiżmu,l-On. Mario de Marco qal dan waqt il-preżentazzjoni finali tal-programm CHOICE tal-MTA, fejn tfal minn skejjel sekondarji mhux biss jiltaqgħu u jitkellmu ma’ diversi nies mill-industrija iżda wkoll joħolqu proġetti relatati mat-turizmu.
Huwa qal li r-riżors uman huwa importantigħal Malta u għas-settur tat-turiżmu minħabba l-kuntatt dirett mat-turisti; fejn irrefera għall-fatt li t-turiżmu f’pajjiżna jimpjega b’mod dirett (lukandi u ristoranti) madwar 10,000 ruħ full-time u 9,000 ruħ part-time, minbarra eluf oħra bħal m’huma l-gwidi, aġenziji tal-ivvjaġġar, souvenir shops, xufiera eċċ.
Dr de Marco żied jgħid li kien għalhekk li l-Gverniffoka fuq strateġija ċara li permezz tagħha jtejjeb it-taħriġ dirett f’dan il-qasam. Dan għamlu bil-ħolqien tal-Istitut għall-Istudji Turistiċi (ITS), li kien kruċjali biex bdejna nimxu lejn professjonisti gradwati mħarrġa speċjalment fil-qasam turistiku, inkluż iċ-ċentru ġdid tal-ITS li kien inawgurat f’Għawdex fil-ġimgħat li għaddew u li sar minn fondi Ewropej. Hu semma wkoll li fl-aħħar snin, kienet ukoll l-Università, li taħt il-Fakultà tal-Management, waqqfet Dipartiment għall-Istudji Turistiċi u bdiet toffri korsijiet li jwasslu għall-Baċċellerati f’dan il-qasam.
Huwa temm billi ħeġġeġ lill-istudentipreżenti sabiex ikomplu jinvestu fl-istudji tagħhom għax huwa dan l-investiment li se jkun jiswielhom għal ħajjithom.
Din is-sena, 2,500 student minn 33 skoladifferenti pparteċipaw fil-programm CHOICE. Mill-2001, ħadu sehem aktar minn 22,000 student. L-istudenti kollha li ħadu sehem kienu mħeġġa biex jipparteċipaw f’kompetizzjoni fejn kellhom jagħżlu tema relatata mat-turiżmu u joħolqu xi preżentazzjoni jew proġett fuqha.
Il-Programm CHOICE huwa organizzatmit-Taqsima għall-Iżvilupp tar-Riżorsi Umani fl-Industrija tal-MTA bil-kollaborazzjoni tal-Grupp Corinthia u tal-Airmalta.

DOI – 26.06.09

Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U MILL-MINISTERU GĦALL-POLITIKA SOĊJALI U L-FAMILJA   Aktar għarfien dwar is-saħħa mentali fost it-tfal

PR261985

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...

STQARRIJA MILL-UFFIĊĊJU TAL-PRIM MINISTRU  Il-Prim Ministru Robert Abela jippresjedi l-iffirmar ta’ tliet ftehimiet kollettivi għal madwar 1,700 ħaddiem

PR261984

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela ji...

More Press Releases Right arrow