L-Ambaxxata Maltija fid-Danimarka intensifikat il-ħidma tagħha biex issaħħaħ l-investiment u t-turiżmu lejn Malta
PR1060
19/06/2009
| Il-ħidma tal-Ambaxxata Maltija | fid-Danimarka għandha ssarraf f’iktar investimenti għall-kumpaniji Maltin fil-pajjiżi Nordiċi u fl-istess waqt se tkun qed tiggarantixxi żieda fit-turisti li jiġu Malta minn dawn il-pajjiżi. Kumpanija privata tal-ivvjaġġar fid-Danimarka qed timmira li ġġib lejn Malta ’l fuq minn 20,000 turist matul din is-sena. |
| L-Ambaxxata Maltija | fid-Danimarka kellha diversi laqgħat ma’ investituri barranin kif ukoll ma’ operaturi turistiċi ewlenin fil-pajjiż sabiex jinħolqu kuntatti siewja għall-investituri lokali u jinġiebu iktar turisti lejn Malta. Dan infatti ssarraf f’assistenza lill-kumpaniji minn diversi oqsma ekonomiċi, fosthom dawk tal-kostruzzjoni, żviluppaturi, kumpaniji tat-tessuti, u dawk tas-servizzi finanzjarji, legali u tal-informatika. |
| Dan sabiex mhux biss jinġieb | iktar investiment lejn Malta iżda fl-istess waqt negozjanti Maltin qed jaħtfu l-opportunitajiet li jfittxu swieq ġodda biex ikabbru l-ħidma tagħhom. |
| Il-ħidma ta’ din l-Ambaxxata | ssarfet ukoll f’suċċess fil-qasam tal-edukazzjoni, hekk li huwa mistenni li jinġiebu studenti minn dawn in-naħat li għażlu l-Malta f’dan is-sajf biex jistudjaw l-Ingliż. Ix-xogħol fil-qasam turistiku minn din l-Ambaxxata qed isir f’ħidma komuni flimkien mal-Awtorita’ tat-Turiżmu li għandha uffiċċju fi Stokkolma fl-Isvezja. |
| Ta’ min isemmi li l-Ambaxxati u | l-Konsolati kollha Maltin barra minn Malta intensifikaw il-ħidma tagħhom fl-aħħar xhur sabiex Malta tingħata iktar promozzjoni fejn jidħol investiment u turiżmu. Iktar u iktar minħabba l-kriżi finanzjarja internazzjonali li laqtet partikolarment dawn iż-żewġ setturi. |
| Numru ta’ artikli qed ikunu | ppublikati mill-Konsli ta’ Malta madwar id-dinja f’dan ir-rigward wara l-laqgħa li ġiet organizzata f’Marzu li għadda f’pajjiżna. F’din il-laqgħa ġew organizzati iktar minn 400 appuntament għal negozjanti Maltin ma’ 80 Konslu barrani. |
| Fl-ewwel erba’ xhur ta’ din | is-sena l-għadd ta’ Maltin li talbu xi tip ta’ għajnuna mill-Ambaxxati u l-Konsolati Maltin barra minn Malta ammonta għal iktar minn 6,000 kuntatt. |
| DOI - | 19.06.2009 |
Stqarrijiet Oħra:
PR261985
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...
PR261984