Left arrow Mur Lura

STQARRIJA MILL-MINISTERU GĦALL-EDUKAZZJONI, KULTURA, ŻGĦAŻAGĦ U SPORT

PR1004
Date Icon 05/06/2009
L-MUT toħroġ Direttivab’Detriment għal Tfal bi Bżonnijiet Speċjali
L-Union tal-Għalliema (MUT) tat direttivalil Inclusion Coordinators, liema direttiva tmur kontra l-interessi ta’ studenti bi bżonnijiet speċjali.  Dan għamlitu mingħajr l-ebda diskussjoni mal-Awtoritajiet Edukattivi.
Id-Direttorat għal Servizzi Edukattivi jinsabsorpriż bl-attitudni tal-Unjon tal-Għalliema li tat din id-direttiva mingħajr ma ppruvat tfittex soluzzjonijiet b’diskussjonijiet fi spirtu ta’ kollaborazzjoni u djalogu soċjali.
L-MUT qed tallega li membru tagħha li taqdidmirijiet ta’ Inclusion Coordinator bl-inkarigu li żżur l-iskejjel, għal dawn l-aħħar xhur kienet soġġetta għal attitudni degradanti fi skola partikolari billi l-ħidma tagħha kienet kontinwament qed tkun taħt skrutinju u dan kien qed joħolqilha stress. L-Union qalet li dan kellu effett negattiv fuq saħħet din il-persuna u minkejja li saru rapporti lis-superjuri tagħha baqa’ ma sar xejn.  Għalhekk l-Union tat direttiva lil din il-persuna biex ma tagħmilx xogħol fl-iskola ta’ Ħal Għaxaq.
Min-naħa tagħha, id-Direttur Ġenerali għalServizzi Edukattivi kitbet lill-MUT u qaltilha li ma kellha ebda dritt tagħti dik id-direttiva li allura kellha tkun irtirata immedjatament għax inkella kien se jkollha tieħu passi ulterjuri.
B’reazzjoni għal dan l-MUT ħarġet direttiva lill-InclusionCoordinators kollha biex ma jagħmlux xogħol fl-iskola ta’ Ħal Għaxaq.
Id-Direttorat għal Servizzi Edukattivi fl-ebdaħin ma hedded jew imqar ta lil xi ħadd x’jifhem li kien qed jikkontempla passi dixxiplinari kontra l-persuna involuta. Anzi d-Direttur Ġenerali talbet lil din l-impjegata biex  hi stess tagħti rapport dwar dak li kien qed jinkwetaha, biex jekk hu l-każ jinstab rimedju.
Il-Ministeru u d-Direttorati Ġeneralital-Edukazzjoni għandhom għal qalbhom l-interess tal-għalliema u kien għalhekk li l-persuna involuta intalbet tgħid x’inhu jinkwetaha. Dan ir-rispett lejn l-għalliema ntwera bit-twaqqif ta’ Servizz ta’ Customer Care u Staff Support għall-għalliema u l-impjegati l-oħra kollha tad-Direttorati.
Min-naħa l-oħra d-Direttorat ma jistax jaċċettal-atteġġament tal-MUT li bi ksur tal-Ftehim Kollettiv għall-Ħaddiema tal-Gvern, jagħti direttivi għal azzjonijiet industrjali bla ma jfittex soluzzjoni.
Billi d-Direttorat hu mpenjat li jagħti lit-tfaltagħna s-servizzi kollha li huma intitolati għalihom, imqar jekk ikun hemm tifel jew tifla waħda biss li jiġu mċaħħda minnhom minħabba xi azzjoni industrjali, talab lill-Management and Personnel Office fl-Uffiċċju tal-Prim Ministru biex isejjaħ Laqgħa ta’ Konċiljazzjoni dwar il-każ, skont kif stabbilit fil-Ftehim Kollettiv.

DOI – 05.06.2009

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U MILL-MINISTERU GĦALL-POLITIKA SOĊJALI U L-FAMILJA   Aktar għarfien dwar is-saħħa mentali fost it-tfal

PR261985

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...

STQARRIJA MILL-UFFIĊĊJU TAL-PRIM MINISTRU  Il-Prim Ministru Robert Abela jippresjedi l-iffirmar ta’ tliet ftehimiet kollettivi għal madwar 1,700 ħaddiem

PR261984

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela ji...

Aktar Stqarrijiet Right arrow