STQARRIJA MILL-MINISTERU TA’ L-EDUKAZZJONI, KULTURA, żGħAŻAGħ U SPORT
PR0939
29/05/2009
| Bord tad-Dixxiplina biex | jinvestiga allegazzjonijiet dwar karta tal-eżami fl-MCAST |
| Il-Malta College of Arts, Science and Technology | (MCAST) waqqaf Bord ta’ Dixxiplina biex jinvestiga każ fejn allegatament lecturer fl-Istitut tat-Teknoloġija tal-Informatika ta lill-istudenti tiegħu r-risposti għall-mistoqsijiet f’karta tal-eżami. |
| Minn investigazzjonijiet preliminari li għamel | il-Kulleġġ, jidher li l-Awditur Intern responsabbli mill-assikurazzjoni tal-kwalita’, innota li r-risposti tal-istudenti għall-karta tal-eżami kienu jixbħu ħafna r-risposti mudell li dan il-lecturer kien ipprepara għall-eżaminaturi biex fuqhom jikkoreġu l-karti. |
| Meta d-Direttur tal-Istitut tal-ICT tkellem mal-lecturer | konċernat, dan qal li bi żball kien qassam il-karta bir-risposti flimkien mal-karta tal-eżami lill-istudenti fil-klassi tiegħu u meta nduna bl-iżball – xi sitt minuti wara – ġabar lura il-karta bir-risposti. |
| Iżda meta id-Direttur tal-Istitut tkellem | mal-istudenti, dawn taw verżjoni differenti minn dik li kien ta l-lecturer. |
| Għalhekk il-Prinċipal tal-MCAST wara | konsultazzjoni mal-Kap tal-Istitut tal-ICT, iddeċieda li jirreferi dan il-każ lill-Bord tad-Dixxiplina skond ma jipprovdi l-Ftehim Kollettiv tal-MCAST, biex ikunu stabbiliti l-fatti u jagħmel ir-rakkomandazzjonijiet meħtieġa. |
| Il-Prinċipal tal-MCAST jiċħad kategorikament li | xi ħadd avviċinah biex ma jieħux passi dwar il-każ. |
DOI – 29.05.2009
Other Press Releases:
PR261985
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...
PR261984