Il-Gvern jerġa jsostni li s-servizzi tas-saħħa se jibqgħu b’xejn.
PR0937
28/05/2009
| B’referenza għall-istqarrija tal-General | Workers’ Union, il-Gvern itenni li mhux veru li l-Kabinett “iddiskuta proposta biex is-servizz mediku nazzjonali u l-kura tas-saħħa li joffri l-istat ma jibqgħux aktar b’xejn u jibdew jingħataw bi ħlas”. |
| Il-Gvern iddiskuta rapport dwar kif tista’ | tissaħħaħ ir-relazzjoni bejn it-tobba tal-familja u dawk li jmorru għall-viżti għandhom. Il-Gvern irid li t-tobba tal-familja, jkollhom aċċess elettroniku għar-rekords mediċi tal-pazjenti tagħhom. Dan ikun ta vantaġġ għall-pazjenti stess għaliex it-tobba jkollhom aċċess għar-riżultati tal-eżamijiet li jittieħdu bla ħlas fl-isptarijiet u fiċ-Ċentri tas-Saħħa. |
| Il-Gvern ma qabilx ma’ proposta li saret | fir-rapport li ċ-Ċentri tas-Saħħa jingħalqu. Il-Gvern jemmen li dawn għandhom jibqgħu miftuħin għaliex joffru servizzi tas-saħħa bla ħlas, għal min l-aktar għandu bżonn. |
| Il-Gvern hu impenjat li jkompli jtejjeb | is-servizzi tas-saħħa, partikolarment il-kura primarja li tingħata fil-lokalitajiet u fiċ-Ċentri tas-Saħħa. |
DOI - 28.05.09
Stqarrijiet Oħra:
PR261985
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...
PR261984