Left arrow Mur Lura

IL-ĦOLQIEN U S-SALVAGWARDJA TAX-XOGĦOL FIĊ-ĊENTRU TAL-ĦIDMA TAL-GVERN

PR0829
Date Icon 14/05/2009

Waqt diskors matul Konferenza ddedikata għall-SMEs, bit-tema ‘Negozji Żgħar, Ideat Kbar’, il-Ministru tal-Finanzi, l-Ekonomija u Investiment Tonio Fenech saħaq li s-salvagwardja u l-ħolqien ta’ impjiegi tibqa’ dejjem fiċ-ċentru tal-ħidma tal-Gvern. Minkejja ċ-ċokon ta’ kull entità indivdwali, huwa s-settur tan-negozji żgħar u medji li, fit-totalità tiegħu f’Malta, jipprovdi l-akbar numru ta’ impjiegi f’pajjiżna, bi ftit aktar minn 70,000 ħaddiem jew ħaddiema.

Is-sitwazzjoni ekonomika

Il-Ministru Fenech ta wkoll ħarsa lejn il-qagħda ta’ pajjiżna fil-konfront tas-sitwazzjoni ekonomika internazzjonali u qal li fl-Ewropa kollha, il-pajjiżi qed jaffrontaw sitwazzjonijiet fejn numru dejjem akbar ta’ persuni qed jispiċċaw mingħajr xogħol u kumpaniji jagħlqu l-bibien tagħhom. Dan ifisser li l-Gvernijiet madwar id-dinja qed ikollhom dħul aktar baxx u għalhekk qed jaffrontaw problemi kbar fil-finanzi tagħhom. Bħala eżempju qrib xtutna, huwa semma’ s-sitwazzjoni fi Spanja: 40,000 persuna qiegħda ġdida f’April biss, biex issa r-rata ta’ qgħad hemmhekk telgħet 17.4%.  

Ħidma proattiva tal-Gvern

F’pajjiżna, ma kellnix dan l-effett daqstant katastrofiku għaliex il-Gvern kien proattiv u adatta għas-sitwazzjoni. “Għażilna politika aktar individwalizzata għas-setturi u saħansitra għal kumpaniji partikolari. Il-Gvern, minkejja li jibqa’ jżomm l-importanza tas-sostenibbiltà finanzjarja f’moħħu, poġġa l-ħarsien tax-xogħol fuq quddiemnett. Kien għalhekk li ngħatat għajnuna għar-ristrutturazzjoni u investiment lill-kumpaniji fil-bżonn, biex mhux biss jitħarsu l-impjiegi, iżda jingħatalhom bażi soda għall-futur. Dan diġà ħalla riżultati tajbin hekk kif numru ta’ kumpaniji fil-qasam tal-manifattura li kienu qed jippjanaw is-sensji waqfu milli jagħmlu dan u saħansitra se jġibu aktar investiment lejn pajjiżna”, sostna Tonio Fenech.

Impatt usa’

Il-Ministru Fenech spjega kifgħalkemm intervjena fil-konfront ta’ numru partikolari ta’ kumpaniji li fissret is-salvagwardja ta’ 2,000 impjieg, b’referenza għall-fatt kien hemm minn esprima t-tħassib li l-Gvern għen numru limitat ta’ kumpaniji, huwa fakkar li barra milli wħud minn dawn il-kumpaniji huma SMEs, anke fejn oħrajn mhumiex, dawn xorta huma s-sors tal-għajxien ta’ numru kbir ta’ SMEs li jissuplixxuhom b’numru ta’ prodotti u servizzi.
Parteċipazzjoni tajba fl-Iskemi mill-Fondital-UE
Waqt l-istess diskors, il-Ministru ħabbar likien hemm 212-il applikazzjoni għall-iskemi mħabbra aktar kmieni din is-sena mill-Malta Enterprise, li minnhom 93 huwa kwalifikati biex jibbenefikaw, bl-akbar interess jasal għall-iskemi marbuta mal-kompetittività internazzjonali u l-innovazzjoni. Dwar dan Tonio Fenech ikkument li “Huwa ta’ inkoraġġiment kbir li fis-sitwazzjoni ekonomika preżenti n-negozji Maltin qed iħarsu aktar biex ikunu innovattivi u jaċċessaw swieq barranin.” Mill-ewwel sejħa, dawn l-applikanti se jgawdu aktar minn €6miljun, aktar minn terz tal-budget totali disponibbli.
Imħabbra t-tieni sejħagħall-iskemi
Fl-istess waqt, Tonio Fenech ħabbar li llumfetħet it-tieni sejħa għall-iskemi ffinanzjati mill-Fond għall-Iżvilupp Reġjonali, li se jerġgħu jkunu amministrati mill-Malta Enterprise wara l-ewwel sejħa, li kif semma diga’, kienet tant suċċess.

DOI – 14.05.2009

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U MILL-MINISTERU GĦALL-POLITIKA SOĊJALI U L-FAMILJA   Aktar għarfien dwar is-saħħa mentali fost it-tfal

PR261985

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...

STQARRIJA MILL-UFFIĊĊJU TAL-PRIM MINISTRU  Il-Prim Ministru Robert Abela jippresjedi l-iffirmar ta’ tliet ftehimiet kollettivi għal madwar 1,700 ħaddiem

PR261984

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela ji...

Aktar Stqarrijiet Right arrow