AVVIŻ MILL-KUMMISSJONI ELETTORALI
ELEZZJONIJIET GĦALL-KUNSILLI LOKALI - 6 TA’ ĠUNJU 2009
Verifika ta’ kif se jidher l-isem tal-Kandidat fuq il-Polza tal-Votazzjoni
Il-Kummissjoni Elettorali tavża lill-kandidati li ser jikkontestaw l-elezzjoni għall-Kunsilli Lokali ta’ Mdina, Bormla, Żabbar, Birkirkara, Fgura, Gudja, Għaxaq, Kalkara, Lija, Marsaskala, Mġarr, Msida, Naxxar, Pieta’, Rabat, San Ġwann, Sliema, Tarxien, Xgħajra u Mtarfa, illi huma jistgħu jmorru fl-Uffiċċju tal-Kummissjoni Elettorali, Evans Building, Misraħ Sant’Jiermu, l-Belt Valletta, nhar it-Tnejn 11 ta’ Mejju, 2009, bejn id-9.00 a.m. u n-12.30 p.m. u bejn is-2.00 p.m. u l-5.00 p.m. kif ukoll nhar it-Tlieta 12 ta’ Mejju, 2009bejnid-9.00 a.m. u n-12.30 p.m. ħalli jivverifikaw kif ser jidher isimhom fuqil-polza tal-votazzjoni. Il-kandidati ta’ Rabat (Għawdex), Għarb u Sannat jistgħu jmorru fl-Uffiċċju tal-Karta ta’ l-Identita’, 28A, Pjazza San Franġisk, Rabat, Għawdex, fl-istess jiem u ħinijiet.
Kull talba għal xi oġġezzjoni, żieda, tnaqqis jew korrezzjoni fuq il-polza tal-votazzjoni għandha tasal bil-miktub għand il-Kummissjoni Elettorali sas-1.00 p.m. tat-Tlieta, 12 ta’ Mejju, 2009.
DOI – 07.05.2009
Stqarrijiet Oħra:
PR261985
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...
PR261984