AVVIŻ MILL-KUMMISSJONI ELETTORALI - ELEZZJONIJIET GĦALL-MEMBRI PARLAMENTARI EWROPEJ U GĦALL-KUNSILLI LOKALI - 6 TA’ ĠUNJU 2009
Tqassim ta’ Dokumenti għall-Votazzjoni
Il-Kummissjoni Elettorali tavża lil dawk il-persuni kollha f’Malta u f’Għawdex li isimhom jidher fir-Reġistru Elettorali ppubblikat f’April 2009, illi uffiċjali tal-Pulizija ser jibdew iqassmu d-dokumenti għall-votazzjoni minn nhar il-Ħadd 3 ta’ Mejju sa nhar il-Ġimgħa 15 ta’ Mejju, 2009. It-tqassim ser jsir bejn it-8.00 a.m. u s-1.00 p.m. u bejn it-3.00 p.m. u t-8.00 p.m. Fil-ġranet kollha tal-ġimgħa inkluż il-Ħdud. Għaldaqstant huwa ta’ ħtieġa kbira li fid-dar ikun hemm xi persuna tal-familja li ma tkunx taħt it-18-il sena biex tirċievi d-dokumenti għall-votazzjoni. Il-liġi elettorali tippermetti li rappreżentanti tal-partiti politiċi jakkumpanjaw lill-uffiċjali tal-pulizija waqt it-tqassim tad-dokumenti tal-elezzjoni tal-Parlament Ewropew.
Id-dokument għall-votazzjoni għandu jinżamm f’post fejn wieħed isibu għax mingħajru ħadd ma jkun jista’ jivvota.
DOI - 30.04.2009
Stqarrijiet Oħra:
PR261985
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...
PR261984