Left arrow Mur Lura

DISKORS minn Dr. Ray Busuttil, Direttur Ġenerali gĦar-regolazzjoni dwar is-saĦĦa pubblika, WAQT L-INAWGURAZZJONI TAS-SISTEMA NAZZJONALI DWAR L-EMOVIĠILANZA, ORGANIZZATA MID-DIPARTIMENT GĦAL STANDARDS DWAR IS-SERVIZZI TAS-SAĦĦA - VALLETTA –  27 april 2009

PR0706
Date Icon 27/04/2009

Il-kura ta’pazjenti permezz tad-demm u prodotti tad-demm saret suġġett importanti fil-kura medika ta’ kwalità. It-trasfużjoni tad-demm qiegħeda tintuża bħala kura għal ħafna kundizzjonijiet u qiegħda tiġi pprattikata fl-oqsma kollha tal-mediċina u kura klinika. Dawn it-trasfużjonijiet tad-demm m’humiex mingħajr perikli għaliex jistgħu jkunu kaġun ta’ reazzjonijiet u trasmissjoni ta’mard infettiv.

Biex wieħed jassikura biżżejjed sorsi ta’ demm u demm ta’ standards għolja ta’ kwalità’, wieħed ma jridx jiċċerta ruħu biss li jkollu numru tajjeb ta’ donaturi, imma irid ikun hemm ukoll kriterji serji ta’ kif jintagħażlu d-donaturi, li jkun hemm standards għolja fil-proċessi kollha tal-produzzjoni tad-demm, l-użu ottimali tad-demm u prodotti tad-demm fil-kura klinika, prattiċi siguri fil-qasam tat-trasfużjoni imma wkoll illi jkun hemm sistema t’emoviġilanza, jew sistema ta’ monitoraġġ ta’ reazzjonijiet u inċdenti avversi relatati mat-trasfużjoni tad-demm. B’emoviġilanza, wieħed ifisser set ta’proċeduri ta’monitoraġġ relatati ma reazzjonijiet u inċidenti avversi jew mhux mistennija f’min jagħti u min jirċievi d-demm u studji epidemjloġici tad-donaturi fit-tul taż-żmien. 

L-għan prinċipali ta’din is-sistema t’emoviġilanza hi li permezz tagħha, wieħed jinduna b’xi effetti ħżiena illi jistgħa jkollha transfuzjoni tad-demm bl-skop illi tiġi eliminata l-kawża ħalli effetti bħal dawn ma jerġgħux jiġru u b’hekk titjieb is-sigurtà’ tat-trasfuzjonijiet.  

Din is-sistema t’Emoviġilanza hija importanti għaliex il-kwalità’ tad-demm u prodotti tad-demm hija investiment kontinwu illi għandna d-dover illi nagħmlu fil- kura tal-pazjenti tagħna. Id-Dipartiment Għal Standards Dwar is-Servizzi tas-Saħħa hu fid-dover illi jassigura illi ikun  hemm sistemi ta’ kontroll tal-kwalità’ illi konsistement jassiguraw kwalita’ tajba tad-demm u illi tul il-proċess kollu tat-trasfużjoni mill-għażla tad-donaturi, l-ipproċessar tad-demm sa t-trasfużjoni innifisha tkun mħarsa s-sigurta’ u illi in-nies illi jagħtu u jieħdu d-demm jibqgħu jiġu segwiti.  

L-irrappurtar ta’ reazzjonijiet u inċidenti avversi hu importanti għall-organizzazzjoni għaliex organizzazzjoni tista’ titgħallem ħafna minn dan l-irrapportar. Dan għaliex għandha dejjem tiġi inkorraġġuta mentalità’ ta’ kultura miftuħa u ġusta illi tenfasizza l-ħtieġa illi professjonisti tas-saħħa ifittxu r-raġunijiet għalfejn isiru l-iżbalji u jitgħallmu minn dan, bl-iskop illi tikber is-sigurtà’ fil-kura tal-pazjenti.  

It-twaqqif ta’ din is-sistema  t’emoviġilanza hu importanti wkoll minħabba l-obbligi legali li ġew  imposti mill-Att Dwar id-Demm u t-Trapjanti (Att Numru IV tal-2006) u l-Avviż Legali 273 tas-sena 2006 - Regolamenti ta’ l-2006 dwar ħtiġiet ta’ Traċċabilità u Avviż ta’ Reazzjonijiet u Okkorrenzi Gravi Avversi. Dawn ir-regolamenti jimplimentaw id-Direttiva 2005/61/KE li timplimenta d-Direttiva 2002/98/KE tal-Parlament Ewropew u tal-Kunsill tas-27 ta’ Jannar, 2003 li għandhom x’jaqsmu ma’ ħtiġiet ta’ traċċabilità u ta’ għoti ta’ avviż dwar reazzjonijiet u okkorrenzi gravi avversi. Bħala professjonisti tas-saħħa, aħna għandna responsabbiltà professjonali u obbligu legali illi nsegwu dawn ir-regolamenti. 

Id-Diviżjoni Dwar ir-Regolazzjoni tas-Saħħa Pubblika hi l-istituzzjoni illi tassigura illi dawn il-miżuri jiġu implimentati. Id-Dipartiment għal Standards dwar is-Servizzi tas-Saħħa, fi ħdan din id-Diviżjoni qiegħed imexxi l-infurzar ta’ din is-sistema ta’ irrapurtar ta’ reazajonijiet u okkorrenzi avversi relatati ma t-transfużjoni. Mutul is-sena 2008 kien hemm bosta żviluppi, fosthom it-twaqqif ta’ Haemovigilance Unit, it-twaqqif tas-sistemi u strutturi istituzzjonali neċessarji għal dan l-irrappurtar u anki parteċipazzjoni fi tħarriġ organizzat bħala parti mill-proġett ta’ ġemellaġġ bejn l-Awtorità tal-Mediċini ta’ Malta u l-Olanda.  

Malta saret ukoll membru tal- European Haemovigilance Network f’din is-sena u ibbenefikat minn fondi immirati għal din is-sistema nazzjonali. Matul din is-sena wkoll, ġie ippubblikat l-Ewwel Rapport Nazzjonali Malti dwar l-Emoviġilanza għas-sena 2007 bħala wieħed mill-obbligi tal-irrapurtar lill- Kummissjoni Ewropeja. Ir-Rapport dwar is-Sena 2008 qiegħed jitlesta biex ikun jista’ jiġi mgħoddi lill- Kummissjoni Ewropeja sa Ġunju 2009. 

B’sodisfazzjon kbir, nirreferu għar-Rapport Annwali 2007 bħala indiċi tal-kwalità’ għolja tal-istandards tad-demm u prodotti tad-demm f’Malta. Matul l-2007 ma kien hemm l’ebda każi t’infezzjonijiet li jiġu trasmessi bit-trasfużjonijiet. Ma kien hemm l’ebda mewt ikkaġunata minn trasfużjoni. L’ebda wħda mir-reazzjonijiet illi ġew irrappurtati ma kienet relatata mal-kwalità’ u s-sigurtà’ tad-demm. 

Matul is-sena 2007, ġew miġbura 14125 units ta’demm u saru 355 ġabra permezz  tal-“apharesis”. Ġew mqassma 19597 units miċ- Ċentru Nazzjonali tat-Trasfużjoni.  

Komponenti tad-DemmNumru ta’ Units Li Ġew Maħruġa
Red blood cells

13560

Aphaeresis platelets

353

Pooled platelets

641

Filtered fresh frozen plasma

3970

Filtered cryoprecipitate

1073

TOTAL ta’ Komponenti Maħruġa

19597

Minkejja l-kwantità’ għolja ta’ demm li gie maħruġ, ġew irrappurtati biss 29 reazzjoni relatati mat-trasfużjoni tad-demm. Ħafna minn dawn ir-reazzjonijiet kienu reazzjonijiet ħfief bħal deni u reazzjonijiet allerġiċi. Minn dawn ir-reazzjonijiet waħda biss tistgħa tissejjaħ bħala reazzjoni serja. Din ir-reazzjoni ma kienitx relatata ma mal-kwalità tad-demm. 

Komponenti tad-DemmNumru ta’ Units Li Ġew Maħruġa
Red blood cells

13560

Aphaeresis platelets

353

Pooled platelets

641

Filtered fresh frozen plasma

3970

Filtered cryoprecipitate

1073

TOTAL ta’ Komponenti Maħruġa

19597

Dan ir-rapport wera illi r-rata ta’reazzjonijiet avversi serji relatati mat-trasfużjoni tad-demm (reazzjonijiet illi għandhom jiġu irraportati lill-Kummissjoni Ewropeja) hi baxxa ħafna.(5.1 reazzjoni għal kull 100,000 unit ta’ demm illi ġew maħruġa). Dawn l-istatistiċi juru illi il-prodotti tad-demm Maltin huma ta’ livell għoli ta’ kwalità.

DOI – 27.04.2009

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U MILL-MINISTERU GĦALL-POLITIKA SOĊJALI U L-FAMILJA   Aktar għarfien dwar is-saħħa mentali fost it-tfal

PR261985

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...

STQARRIJA MILL-UFFIĊĊJU TAL-PRIM MINISTRU  Il-Prim Ministru Robert Abela jippresjedi l-iffirmar ta’ tliet ftehimiet kollettivi għal madwar 1,700 ħaddiem

PR261984

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela ji...

Aktar Stqarrijiet Right arrow