Left arrow Mur Lura

MESSAĠĠ MILL-ONOR. DOLORES CRISTINA MINISTRU TAL-EDUKAZZJONI, KULTURA, ŻGĦAŻAGĦ U SPORT, GĦALL-JUM DINJI TAL-KTIEB - 2009

PR0663
Date Icon 22/04/2009
Il-Jum Dinji tal-Ktieb huwajum importanti ħafna fil-kalendarju. Dan għaliex qabel xejn jiċċelebra l-kotba fis-sens sħiħ tagħhom kif ukoll is-sbuħija u l-għerf li jaħżnu bejn il-paġni tagħhom.
Inħoss li dan il-jum għandujibgħat tal-inqas tliet messaġġi importanti:
L-ewwelnett u fuq kollox li l-qari għandujingħata importanza kbira f’ħajjitna għax iħalli fina effetti li ma jitħassrux. Forsi ħafna minna għandhom l-idea żbaljata li l-qari qiegħed hemm għat-tfal biss. Għall-kuntrarju l-qari qiegħed hemm għal kulħadd. Il-qari jiftaħ territorji infiniti ta’ għerf u jagħtina l-opportunita` li nkunu ċittadini aħjar.

Illum ma fadalx iktar skużi li m’hawnx x’taqra. Pajjiżna, għad li ċkejken fid-daqs, għandu industrija interessanti ta’ produtturi tal-kotba. It-teknoloġija tal-informatika illum ħaffet ukoll il-proċess biex tixtri u takkwista ktieb u dan minn darek stess permezz tal-internet.         

It-tieni punt li nħoss li joħroġ mill-Jum Dinjital-Ktieb hu li dan jiċċelebra l-kreattivita` tal-kittieba, tar-riċerkaturi, tal-poeti u ta’ dawk kollha li joħolqu l-ideat. Mill-ġdid nirreferi għal pajjiżna. Bis-saħħa ta’ dan is-settur artistiku u l-kreattivita` li toħroġ minnu, seta’ jkollna letteratura b’saħħitha. Bis-saħħa ta’ dawn in-nies stajna nkunu nafu aktar dwar il-passat ta’ artna.  Inħoss li l-pajjiż għandu jkun grat lejhom u nistedinhom biex ikomplu jagħnuna bil-kreattivita` tagħhom.
It-tielet punt f’din in-nisġa naħseb li hija bladubju ta’ xejn l-id tal-pubblikatur li bis-saħħa tal-investimenti li jagħmel, minn manuskritt jista’ joħroġ ktieb. Qdifna ħafna f’dan is-settur u mill-ġdid għandna xogħlijiet ta’ livell għoli ħafna li ta’ min wieħed jgħożż u jfaħħar. L-istampar ta’ ktieb illum sar artiġġjanat fih innifsu.
Dan il-Jum għandu jħajjar lil min ma jaqrax biexjibda jaqra u lil min jaqra jkompli jgħarrex u jfittex. Il-qari jfisser taħriġ akbar fis-sentimenti.  Fl-istorja nafu li kull meta kien hemm attentati biex jinqered xi grupp etniku jew saħansitra razza sħiħa, l-ewwel li ġew eliminati kienu l-kotba. Mhux ta’ b’xejn l-importanza ta’ din ir-realta` u l-ħtieġa li aħna lkoll nagħrfu l-bżonn li nibnu relazzjoni intima mal-ktieb.
Nagħlaq dan il-messaġġ billi nappellalill-familji tagħna jinvestu iżjed fil-kotba – mhux biżżejjed li l-istituzzjonijiet tagħna jimlew il-libreriji pubbliċi bil-kotba jekk mill-banda l-oħra ma jkunx hemm il-koperazzjoni tal-ġenituri u tal-edukaturi biex flimkien naslu jkollna ġenerazzjoni ta’ ċittadini li jqisu l-ktieb bħala ħabib. J’alla jiem ta’ tifkira bħal dawn ixettlu fina namra ġdida għal għarfien – sors li pajjiżna b’mod speċjali ma jista’ qatt jitraskura.
Iltqajt ma dan il-ħsieb ta’ Jane Evershed linixtieq naqsmu magħkom, u li tradott liberament mill-Ingliż, jgħid hekk:
Li taqra,jagħtik li taqsam id-dinjita`
Li taqsam id-dinjita`,jagħtik li tikteb
Li tikteb,jagħtik li tinfluwenza
Li tinfluwenza,jagħtik li tbiddel
Li tbiddel,jagħtik li tgħix
DOI –22.04.2009
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U MILL-MINISTERU GĦALL-POLITIKA SOĊJALI U L-FAMILJA   Aktar għarfien dwar is-saħħa mentali fost it-tfal

PR261985

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...

STQARRIJA MILL-UFFIĊĊJU TAL-PRIM MINISTRU  Il-Prim Ministru Robert Abela jippresjedi l-iffirmar ta’ tliet ftehimiet kollettivi għal madwar 1,700 ħaddiem

PR261984

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela ji...

Aktar Stqarrijiet Right arrow