Left arrow Mur Lura

MERĦBA MILL-ONOR LOUIS GALEA, SPEAKER TAL-KAMRA TAD-DEPUTATI, LILL-ET S-SUR BAN KI-MOON, SEGRETARJU ĠENERALI TAN-NAZZJONIJIET UNITI, FL-OKKAŻJONI TAŻ-ŻJARA U L-INDIRIZZ TIEGĦU LILL-KAMRA TAD-DEPUTATI TA’ MALTA, IL-BELT VALLETTA–L-ERBGĦA, 22 TA’ APRIL 2009

PR0652
Date Icon 22/04/2009

Eċċellenza

Ninsab ċert li r-Rappreżentanti eletti tal-popluMalti u Għawdxi, miġbura f’din il-Kamra tad-Deputati, bil-ferħ jingħaqdu miegħi biex nagħtuk merħba minn qalbna u nroddulek ħajr li għoġbok tiġi u tiltaqa` magħna fl-okkażjoni taż-żjara uffiċjali tal-Eċċellenza Tiegħek f’pajjiżna.
L-istorja ta’ pajjiżna, u b’mod partikolari dikta’ dan il-Parlament, juru li, minkejja d-dibattitu ħaj fuq kollox u f’kull ħin frott ta’ demokrazija dinamika, dak li għandna nieqes fid-daqs inpattu għalih fir-rieda qawwija u fl-għaqal tal-poplu tagħna li ssielet u ħabbrek biex jikseb is-sliem u l-ġustizzja fit-tgawdija sħiha tad-drittijiet u l-libertajiet fondamentali tal-bniedem. Filwaqt li f’dan l-ambjent ta’ sovranita’, libertà u demokrazija l-poplu kiseb livell ta’ għixien u kwalità ta’ ħajja mill-aħjar fid-dinja, il-politiċi Maltin rappreżentati f’dan il-Parlament ħabirku, u qed ikomplu jħabirku, fl-impenn tagħhom għal aktar prosperita’, sliem u ġustizzja mhux biss f’pajjiżna, iżda wkoll fir-reġjun Ewro-Mediterranju u fil-bqija tad-dinja. Ngħidlek ukoll li napprezzaw ħafna l-ħidma effettiva tiegħek f’kull aspett tat-tmexxija tan-Nazzjonijiet Uniti, organizzazzjoni li Malta dejjem appoġġjat bl-aħjar ħila u impenn. Napprezzaw ukoll l-interess tiegħek fil-kollaborazzjoni bejn in-Nazzjonijiet Uniti u l-Unjoni Inter-Parlamentari.
Waqtli nerġa` nassigurak mill-ogħla stima tiegħi, nistiednek sabiex issa tindirizza lill-Onorevoli Membri.

DOI – 22.04.2009

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U MILL-MINISTERU GĦALL-POLITIKA SOĊJALI U L-FAMILJA   Aktar għarfien dwar is-saħħa mentali fost it-tfal

PR261985

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...

STQARRIJA MILL-UFFIĊĊJU TAL-PRIM MINISTRU  Il-Prim Ministru Robert Abela jippresjedi l-iffirmar ta’ tliet ftehimiet kollettivi għal madwar 1,700 ħaddiem

PR261984

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela ji...

Aktar Stqarrijiet Right arrow