PREMJU GĦALL-KREATTIVITÀ
PR0638
20/04/2009
| Fl-okkażjoni tas-Sena tal-Kreattività u | l-Innovazzjoni, il-Ministeru tal-Edukazzjoni, Kultura, Żgħażagħ u Sport qed jipproponi li fiċ-ċerimonji ta’ Awards konnessi mal-Kultura li jingħataw f’Malta matul din is-sena, ikun hemm Premju għall-Kreattività. |
| Għalhekk, il-Ministeru se joffri dan il-Premju | lil organizazzjonijiet li matul din is-sena jorganizzaw konkorsi fuq bażi nazzjonali li fihom ikun hemm element importanti ta’ kreattività u innovazzjoni. |
| L-Unjoni Ewropea, meta ddikjarat l-2009 bħala | s-Sena tal-Kreattività u l-Innovazzjoni, riedet tenfasizza li dawn iż-żewġ kunċetti huma għodda fundamentali għal soċjetà b’saħħitha li trid tilqa’ l-isfidi ekonomiċi, soċjali u kulturali tas-soċjetà. |
| Studju kummissjonat mill-Kummissjoni Ewropea | juri li l-kontribut tas-settur tal-kreatività għas-soċjetà hu wieħed sinjifikanti, partikolarment fid-dawl tad-diffikultajiet li qed jiffaċċjaw kumpanniji kbar u multi-nazzjonali madwar id-dinja. Għalhekk il-kreattività u l-innovazzjoni huma meqjusa bħala ż-żewġ pilastri li jistgħu jsostnu soċjetà sostenibbli armata biex tindirizza l-isfidi attwali. |
| Il-Gvern qed jaħdem biex joħloq kuxjenza dwar | l-importanza tal-kreattività u l-innovazzjoni u jinkoraġixxi diskussjoni filwaqt li jistimula d-dibattitu u r-riċerka f’dan il-qasam. Il-viżjoni tas-Sena tal-Kreattività hi li ttejjeb il-kwalità tal-ħajja taċ-ċittadini Maltin filwaqt li tikkontribwixxi għall-prosperità ekonomika tal-Ewropa permezz ta’ investiment fil-kreattività u l-innovazzjoni. |
| L-Aġenda ta’ Lisbona tpoġġi l-kreattività u | l-innovazzjoni fil-qalba ta’ ekonomija bażata fuq l-għerf u l-Gvern Malti, permezz tal-politika u l-miżuri li jieħu, irid jinkoraġixxi l-iżvilupp ta’ soċjetà bażata fuq il-kreattività u l-innovazzjoni. |
| Bħala pass f’din id-direzzjoni, din is-sena, | il-Ministeru tal-Edukazzjoni, Kultura, Żgħażagħ u Sport qed joffri dan il-Premju għal Kreattività bl-iskop li jippremja l-isforzi ta’ individwi fil-qasam artistiku u kulturali, biex ikunu aktar kreattivi u innovattivi fil-ħidma tagħhom. |
| DOI – | 20.04.2009 |
Stqarrijiet Oħra:
PR261985
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...
PR261984