Left arrow Mur Lura

IS-SEGRETARJU PARLAMENTARI L-ONOR CHRIS SAID JINAWGURA L-HSBC MALTA PROPERTY EXPO

PR0332
Date Icon 27/02/2009
Is-SegretarjuParlamentari għall-Konsultazzjoni Pubblika u Informazzjoni Dott. Chris Said inawgura uffiċjalment l-HSBC Malta Property Expo fl-MFCC f’Ta’ Qali. Huwa qal li llum, grazzi għall-għaqal tagħna, il-biċċa l-kbira tal-Maltin għandhom ir-residenza tagħhom u ħafna għandhom ukoll proprjetà oħra li jużawha bħala villeġġjatura jew inkella jikruha għall-profitt.
Dott. Said qal liminkejja li minn żmien għal żmien ikun hemm perijodi diffiċli, is-suq tal-proprjetà dejjem kien investiment sod u li jrendi.  Huwa qal ukoll li grazzi għad-deċiżjonijiet għaqlija tal-Gvern matul l-aħħar snin, u deċiżjonijiet riċenti bħad-dhul fiż-Żona Ewro, Malta ma ħassitx it-terremot li laqat ħafna ekonomiji oħra madwar id-dinja.  Ta’ dan għandhom mertu kbir ukoll il-banek lokali li dejjem ħadmu b’għaqal kbir.
Is-SegretarjuParlamentari semma l-importanza tax-xiri tal-proprjetà minn barranin u kemm dan hu importanti għall-iżviluppaturi u aġenti tal-proprjetà.  Filwaqt li jifhem li l-industrija tal-proprjetà trid tara li dan jiġi faċilitat, huwa qal ukoll li jrid jinħoloq bilanċ bejn dan il-kunċett u l-obbligu soċjali fejn il-Gvern irid jara li jiffaċilita l-ħajja ta’ dawk li deħlin għall-ewwel darba fis-suq sabiex ikunu jista’ jkollhom ir-residenza tagħhom.
L-Onor. Said qal libilanċ ieħor li jrid jintlaħaq huwa dak bejn l-iżvilupp u s-sostennibilità.  L-iżvilupp sostenibbli huwa l-għan ewlieni tal-Gvern, u l-aġenti tal-proprjetà u l-iżviluppaturi għandhom rwol importanti ħafna x’jaqdu sabiex dan jintlaħaq.
Is-SegretarjuParlamentari qal li l-kunċett ta’ żvilupp sostenibbli jiġbor fih il-kunċett tal-użu effiċjenti tal-energija.  Fl-aħħar budget il-Gvern ħabbar diversi miżuri f’dan is-sens u dawn ġew imnedija aktar kmieni dan ix-xahar.
Il-Gvern alloka 2miljun ewro bħala sussidju għall-istallazzjoni ta’ solar water heaters, 500,000 ewro bħala għajnuna li tagħmel tajjeb għal 50% tal-ispejjeż ta’ pannelli fotovoltaiċi u skema ta’ sussidjar sa 33% ghall-istallazzjoni ta’ double glazing.
Dott. Chris Saidgħalaq billi qal li jemmen li l-industrija tal-proprjetà tista’ taħdem flimkien mal-Gvern biex nottjenu l-bilanċ bejn l-interess tal-iżviluppatri u ta’ dawk li jridu jixtru djarhom u l-bilanċ bejn l-iżvilupp u s-sostenibbilita.
Fl-HSBC MaltaProperty Expo b’kollox qed jipparteċipaw 75 esebitur.  Dawn jinkludi żviluppaturi tal-proprjetà, estate agents, banek, kumpaniji tal-assigurazzjoni u interior designers, flimkien ma’ prodotti u servizzi oħra relatati mas-suq tal-proprjetà.  Dan kollu se jkun kumplementat minn 10 seminars dwar suġġetti varji bħal kera ta’ proprjetà, marketing, immaniġġjar ta’ proprjetà u oħrajn.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U MILL-MINISTERU GĦALL-POLITIKA SOĊJALI U L-FAMILJA   Aktar għarfien dwar is-saħħa mentali fost it-tfal

PR261985

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...

STQARRIJA MILL-UFFIĊĊJU TAL-PRIM MINISTRU  Il-Prim Ministru Robert Abela jippresjedi l-iffirmar ta’ tliet ftehimiet kollettivi għal madwar 1,700 ħaddiem

PR261984

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela ji...

Aktar Stqarrijiet Right arrow