JITNIEDA L-PROGRAMM TAL-UNJONI EWROPEA ‘ERASMUS FOR YOUNG ENTREPRENEURS’
PR0267
19/02/2009
| F’Malta llum | tnieda l-programm tal-UE “Erasmus for Young Entreprenurs”. Dan huwa programm ġdid ta’ skambju ffinanzjat mill-Unjoni Ewropea li tnieda fil-pajjiżi Membri kollha fl-istess jum. |
| L-għan tal-programm hu biex entrepreneurs | ġodda jaqsmu esperjenzi ma’ entrepreneurs ta’ esperjenza u jkun hemm skambji bejniethom. “Erasmus for Young Entrepreneurs” jaħdem biex jistimula l-entrepreneurship, il-kompetittività, u l-internazzjonalizzazzjoni u tkabbir ta’ start ups u SME’s stabbiliti permezz tal-iskambju ta’ għarfien. |
| F’Malta dan il-proġett pilota se jiġi koordinat | mill-organizzazzjoni tal-koperattivi APEX li rnexxielha tieħu fondi mill-UE wara li daħlet f’partnership mal-Confederazione Italiana Agricoltori (CIA). |
| Fit-tnedija ta’ dan il-proġett, is-Segretarju | Parlamentari għall-Konsultazzjoni Pubblika u Informazzjoni, Chris Said, faħħar lill-APEX għall-mod kif din l-organizzazzjoni għarfet il-potenzjal li jeżisti fil-partnerships ma’ organizzazzjonijiet oħra Ewropej u akkwistat il-fondi biex tmexxi dan il-proġett pilota f’Malta. |
| L-iskambji se jikkonċentraw f’setturi li | għandhom elementi ta’ żvilupp sostenibbli u s-Segretarju Parlamentari qal li dan jintegra tajjeb fil-politika tal-Gvern li jrid jasal għall-kunċett ta’ żvilupp sostenibbli u lokalitajiet sostenibbli. |
| Chris Said qal li l-komunità kummerċjali għandha | rwol importanti x’taqdi biex il-Gvern jasal għall-Viżjoni 2015. Huwa semma wkoll in-numru ta’ miżuri li qed jieħu l-Gvern biex jintlaħaq dan il-għan fosthom l-iskema ta’ inċentivi għal aktar investiment minn intrapriżi żgħar fil-lokalitajiet tagħna. |
| Chris Said semma l-importanza tat-taħriġ | tal-ħaddiema u aċċenna għax-xogħol li qed tagħmel l-ETC f’dan ir-rigward fejn, grazzi għall-fondi mill-UE, din qed tħarreġ persuni li jridu jiħlu fid-dinja tax-xogħol u oħrajn li qed jerġgħu jidħlu fid-dinja tax-xogħol. |
| Is-Segretarju Parlamentari għall-Konsultazzjoni | Pubblika u Informazzjoni għalaq billi ħeġġeġ lil dawk li se jibbenefikaw mill-proġett biex jimmassimizzaw il-potenzjal li jeżisti u qal ukoll li organizzazzjonijiet oħra għandhom isegwu l-eżempju tal-APEX biex jieħdu aktar vantaġġi mill-programmi u inizjattivi tal-Unjoni Ewropea. |
Stqarrijiet Oħra:
PR261985
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...
PR261984