Left arrow Go Back

STQARRIJA MILL-MINISTERU GĦAR-RIZORSI U L-AFFARIJIET RURALI

PR0261
Date Icon 18/02/2009
L-oppozizzjoni terġa tikkonferma li tinsabimfixkla fuq id-direttiva tal-Gvern biex jittnaqqas l-użu tal-basktijiet tal-plastik.
L-Oppozizzjoni reġgħet ikkonfermat li tinsabimfixkla fuq id-direttiva tal-Gvern biex jittnaqqas l-użu tal-basktijiet tal-plastik.  Kif qal diversi drabi, l-Gvern għandu interess li jara li jonqos l-użu tal-basktijiet tal-plastik irrispettivament mit-tip ta’ plastik li huma. Il-Gvern irid jinkoraġġixxi lill-konsumatur biex juza baskett għax-xiri magħmulin minn materjal li jħares l-ambjent u fl-istess waqt ikun jista’ jintuza għal diversi drabi.  Dawn it-tip ta’ basktijiet diġa jezistu fis-suq u huma konvenjenti ħafna għall-konsumatur.
Id-Deputat Laburista Leo Brincat messu jaf listandard internazzjonali li jgħinek tinforza fuq tipi differenti ta’ plastik ma jezistix u messu qal kif qed jissugerixxi li l-Gvern għandu jinforza fin-nuqqas ta’ dan l-iStandard.  Bħas-soltu, l-Oppozizzjoni tipprova tirkeb fuq kull kritika sabiex tipprova tieħu vantaġġ politiku.
Bil-maqlub ta’ dak li ddikjara l-Onor Brincat,qabel ma wasal biex jieħu deċizjoni, il-Gvern iddiskuta fuq il-pass li kien hemm bżonn jittieħed, saħansitra fid-dokument tal-konsultazzjoni ta’ qabel il-budgit.  Biss, bħas-soltu, l-Oppozizzjoni qagħdet lura milli tipproponi u tiddiskuti u minflok għazlet biex izzomm mal-istil li issa ndara li tilgħab għall-gallarija.
Fuql-istock ta’ basktijiet tal-plastik, l-Onor Leo Brincat jmissu jaf li din hi problema li ser tinħoloq, tkun meta tkun id-data ta’ meta jidħlu fis-seħħ ir-regolamenti l-ġodda. Minkejja kollox, ser isir kull sforz biex tinstab soluzzjoni għal stocks ta’ basktijiet mixtrijin skond il-liġi.
L-Onor Brincat imbagħad għażel li jikkritikawkoll il-fatt li l-basktijiet issa ser ikollhom tabella.  Dan juri l-konfuzjoni tal-Oppozizzjoni li f’nifs tgħid li l-Gvern ma jafx kemm hawn basktijet fis-suq, u f’nifs ieħor tikkritika lill-Gvern li qed johloq miżuri li permezz tagħhom is-suq tal-basktijiet tal-plastik ser ikun ikkontrollat.
Kiekul-Opposizzjoni hija serja kien imissha resqet ‘il quddiem bi proposti konkreti u li jagħmlu sens. Sa’ issa smajna bi propsota waħda, magħmula mill-Kap tal-Oppozizzjoni, li ma taqbel xejn mal-pozizzjoni li qed jieħu l-Kelliem tiegħu fuq is-suġġett.  Il-Kap tal-Oppozizzjoni kien qal fil-Parlament, F’diskors fil-Parlament fl-10 ta’ Novembru 2008, biex jagħti r-reazzjoni tal-Oppozizzjoni għad-dikors tal-Budget, il-Kap tal-Oppozizzjoni kien qal:
“Nemmnu wkoll – u din hija proposta tagħna litmur lil hinn minn dak li qed jagħmel il-gvern – li għandna nkunu aktar kuraġġużi.  Jekk il-gvern ried jitwemmen li mhux interessat li jiġbor il-flus minn din it-taxxa l-ġdida għandu jibda mal-ewwel studju dwar il-projbizzjoni totali tal-basktijiet tal-plastik, għallinqas dawk mhux bijodegradabbli, l-effett ta’ din il-miżura u l-kompatibilità mal-liġijiet Ewropej. Jiġifieri jekk ma tridx il-flus ineħħi l-basktijiet mill-ewwel imissu.”
Anked-dikjarazzjoni tal-Kap tal-Opposizjoni toħroġ ċar in-nuqqas ta’ għarfien li dan għandu  fuq dan is-suġġett. Il-verita’ hi li ma tistax twaqqaf l-użu ta’ dawn il-basktijiet f’Malta jekk din ma tkunx mizura li tiddaħħal ukoll madwar l-Ewropa kollha.
Il-Gvern jappella lill-Oppozizzjoni biex jekkverament temmen fl-ambjent, għal darba twarrab l-opportunizmu u tikkopera mal-Gvern f’dawn l-inizjattivi li huma maħsuba biex iħarsu l-ambjent.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U MILL-MINISTERU GĦALL-POLITIKA SOĊJALI U L-FAMILJA   Aktar għarfien dwar is-saħħa mentali fost it-tfal

PR261985

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...

STQARRIJA MILL-UFFIĊĊJU TAL-PRIM MINISTRU  Il-Prim Ministru Robert Abela jippresjedi l-iffirmar ta’ tliet ftehimiet kollettivi għal madwar 1,700 ħaddiem

PR261984

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela ji...

More Press Releases Right arrow