Left arrow Go Back

STQARRIJA TAL-MINISTERU GĦAL GĦAWDEX

PR0191
Date Icon 08/02/2009
B’referenza għall-storja lidehret f’sezzjoni ta’l-istampa illum, il-Ministeru ghall-Ghawdex jixtieq jiccara li l-imsemmi artiklu qieghed jagħmel insinwazzjonijiet bla bażi li huma ntiżi biex joskuraw lill-Ministeru għal Għawdex.
Il-Ministeru jixtieq jikkonfermali r-Reġistru Pubbliku kif ukoll ir-Reġistru ta’ l-Artijiet f’Għawdex ser jigu rilokati temporanjament ġewwa parti mill-kumpless Downtown Ltd.  Dan ser isir wara li l-Ministeru għal Għawdex ħareġ sejħa għal turija ta’ interess fil-gazzetti lokali kollha.  F’din is-sejħa tniżżlu l-ħtiġijiet bażiċi li kien hemm bżonn għal dan il-għan.  Il-fatti huma illi li l-offerta ta’ Downtown Ltd kienet t-tieni l-orħos mill-offerti kollha li kienu sottomessi, u  peress li min kien tefa’ l-orħos offerta reġa’ bdielu u sussegwentement irtira din l-offerta, l-għażla ovvjament waqgħet fuq it-tieni l-orħos offerta, jiġifieri dik ta’ Downtown Ltd.  Wara li l-Ministeru għal Għawdex kiseb l-approvazzjoni meħtieġa mill-Ministeru tal-Finanzi, l-Ekonomija u Investiment, l-offerta ngħatat lil Downtown Ltd.  Għalhekk ma huma bl-ebda mod korretti l-insinwazzjonijiet li saru, aktar u aktar meta intqal li wieħed mis-sidien tad-Downtown, Joseph Portelli “hu magħruf għal ħbiberija ma’ Giovanna Debono”.
Il-Ministeru għal Għawdex jixtieqjgħid li r-rilokazzjoni tar-Reġistru Pubbliku u tar-Reġistru ta’ l-Artijiet f’Ghawdex għandha ssir peress li jagħmel sens li dawn iż-żewg uffiċini jaħdmu qrib ta’ xulxin speċjalment in vista tas- Central Registry Act li dalwaqt tiġi fis-seħħ u li se tesiġi li dawn iż-żewġ uffiċini ikunu fiżikament magħquda fl-lokal wieħed.  Hemm il-ħsieb li l-ispazju li se jinħoloq mir-rilokazzjoni tar-Reġistru ta’ l-Artijiet miċ-Ċentru Amministrattiv se jintuża biex jakkomoda xogħol ta’ natura “back office” li jinġab minn Malta.  Rigward is-sigurta’ tal-post u d-dokumenti, din se tigi pprovduta mill-Ministeru ghal Għawdex peress li, għal raġunijiet ovvji, din hi responsabilta’ tal-Ministeru.  Minkejja dan, il-fatti huma wkoll li apparti li se tinbidel is-serratura ta’ dan il-lokal u l-kerrej mhux se jżomm kopja taċ-ċavetta, dan il-post għandu entratura distinta għalih.  Barra minn dan, il-post hu assigurat filwaqt li l-lokal li fih jinsabu d-dokumenti fil-preżent m’hu kopert mill-ebda assigurazzjoni.
Dan il-kuntratt hu għal perijoduta’ ħames snin li jista’ jiġi estiż.   Il-Ministeru ħass il-ħtieġa li jidħol għal dan il-kuntratt peress li l-ispazju eżiżtenti li fih jista’ jakkomoda uffiċini hu tassew limitat.  Fil-frattemp il-Ministeru għal Għawdex għandu applikazzjoni quddiem il-MEPA biex tinbena parti li tinsab fiċ-Ċentru Amministrattiv sabiex l-uffiċini msemmija aktar ‘il fuq kif ukoll xogħol ta’ natura “back office” li jkun jista’ jitla’ minn Malta, ikunu jistgħu jiġu akkomodati fih.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U MILL-MINISTERU GĦALL-POLITIKA SOĊJALI U L-FAMILJA   Aktar għarfien dwar is-saħħa mentali fost it-tfal

PR261985

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...

STQARRIJA MILL-UFFIĊĊJU TAL-PRIM MINISTRU  Il-Prim Ministru Robert Abela jippresjedi l-iffirmar ta’ tliet ftehimiet kollettivi għal madwar 1,700 ħaddiem

PR261984

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela ji...

More Press Releases Right arrow