Left arrow Mur Lura

IL-PREMJU FAMILJA QALB TAD-DEHEB F’GĦAWDEX JASAL FIT-38 EDIZZJONI

PR0112
Date Icon 26/01/2009
Il-Moviment ta’ Kana f’Għawdex ta’ kull senajorganizza serata fejn fiha familja Għawdxija tiġi ppremjata bil-Premju Familja Qalb tad-Deheb. L-għan ta’ dan il-premju huwa li jwassal messaġġ permezz ta’ familji li jibqgħu magħqudin  minkejja diffikultajiet kbar li jiltaqgħu magħhom. Dan hu wkoll il-każ tal-familja Saliba minn Għajnsielem, li ġiet mogħtija dan il-Premju għal din is-sena.
Il-Premju Familja Qalb tad-Deheb ilu jingħatagħal dawn l-aħħar tmienja u tletin sena. Waqt ċerimonja li ġiet mtellgħa f’lukanda ewlenija f’Għawdex, l-Eċċellenza Tiegħu, il-President ta’ Malta, Dr Edward Fenech Adami, ippreżenta s-shield lir-rebbieħa ta’ din is-sena. Din is-shield tinżamm għal sena mill-familja rebbieħa biex imbagħad terġa’ tingħata lir-rebbieħa tas-sena ta’ wara. L-Onor. Giovanna Debono, Ministru għal Għawdex ippreżentat ukoll rigal ta’ tifkira filwaqt li ġew mogħtija rigali oħra li jingħataw minn kumpaniji privati li jissponsorjaw din l-attivita’. L-Eċċellenza tiegħu  Mons. Mario Grech, Isqof ta’ Għawdex kien ukoll preżenti għal din l-attivita’.
Il-familja rebbieħa tiġi magħżula minn fostnumru ta’ familji nominati  minn diversi entitajiet, fosthom Kunsilli Lokali u gruppi mhux governattivi Għawdxin. Il-kumitat imwaqqaf apposta fi ħdan il-Moviment ta’ Kana f’Għawdex, jevalwa dawn in-nominazzjonijiet u jistabbilixxi l-familja li għandha tingħata l-premju, skont numru ta’ kriterji li jilħqu l-iskop li għalih twaqqaf il-Premju Familja Qalb tad-Deheb. Il-President ta’ dan il-kumitat, in-Nutar Paul George Pisani, spjega dawn il-kriterji f’rapport li qara waqt din l-attivita’. Tkellem ukoll Mons. George Borg, direttur tal-Moviment ta’ Kana f’Għawdex.
Il-familja Saliba għarfet tgħixmagħquda minkejja problemi li kella tiffaċċja. Mhux hekk biss, iżda membri tagħha huma membri attivi fi gruppi volontarji u huma strumentali f’għajnuna u sostenn li dawn jagħtu lil persuni u familji li għandhom diffikultajiet simili.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U MILL-MINISTERU GĦALL-POLITIKA SOĊJALI U L-FAMILJA   Aktar għarfien dwar is-saħħa mentali fost it-tfal

PR261985

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...

STQARRIJA MILL-UFFIĊĊJU TAL-PRIM MINISTRU  Il-Prim Ministru Robert Abela jippresjedi l-iffirmar ta’ tliet ftehimiet kollettivi għal madwar 1,700 ħaddiem

PR261984

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela ji...

Aktar Stqarrijiet Right arrow