Left arrow Mur Lura

ŻEWĠ MINISTRI JŻURU SKEJJEL FIL-KULLEĠĠ TA’ GĦAWDEX

PR0095
Date Icon 23/01/2009
L-iskolasekondarja ġdida tas-subien li qed tinbena f’Għawdex b’investiment ta’ €7 miljun mifruxa fuq tliet snin, se tkun qed toffri spazju ta’ 12,000 metru kwadru li se jkun użat speċifikament għat-tagħlim. Barra minn dan se jkun hemm spazju ieħor riżervat għal parkeġġ u sular dedikat għal faċilitajiet edukattivi oħra, fosthom librerija, li jżidu dan l-ispazju għal total ta’ 18,000 metru kwadru. Waqt żjara li għamlu fuq is-sit, il-Ministru ta’ l-Edukazzjoni, Kultura, Żgħażagħ u Sport, Dolores Cristina, flimkien mal-Ministru għall-Għawdex Giovanna Debono, ingħataw dawn id-dettalji u aktar informazzjoni rigward l-istadju li fih waslu x-xogħlijiet li jaqgħu taħt ir-responsabilita’ tal-Fondazzjoni għall-Iskejjel ta’ Għada.
Iż-żewġ Ministrikellhom okkażjoni jaraw ix-xogħol li sar s’issa fl-ewwel u t-tieni fażi tal-bini, li jinkludi wkoll numru ta’ klassijiet li diġà bdew jintużaw. Huma ltaqgħu wkoll ma’ wħud mill-istudenti u l-għalliema tagħhom flimkien mal-Kap ta’ l-iskola. L-ewwel ġebla ta’ din l-iskola sekondarja ġdida kienet ġiet imqiegħda mill-Prim Ministru, l-Onor. Lawrence Gonzi nhar it-3 ta Frar 2008, u x-xogħlijiet qed jiġu mqassma f’diversi fażijiet b’tali mod li l-istruttura l-ġdida tissostitwixxi lil dik qadima bl-inqas effett possibbli fuq l-andament tal-lezzjonijiet.
Il-żjara f’din l-iskolaġabet fi tmiema attività aktar wiesgħa fejn iż-żewġ Ministri Cristina u Debono żaru numru ta’ skejjel primarji li jiffurmaw parti mill-Kulleġġ ta’ Għawdex. Il-Ministri żaru l-iskejjel primarji ta’ Għajnsielem, Nadur, Xagħra, Victoria u Sannat u kienu akkumpanjati minn Chev. Frank Gatt, prinċipal ta’ dan il-Kulleġġ. Saru laqgħat mal-kapijiet tal-iskejjel kif ukoll mal-istudenti, l-għalliema u staff ieħor f’dawn l-iskejjel. Din l-attivita’ kienet ukoll okkażjoni biex jiġu evalwati xogħlijiet ta’ manutenzjoni u upgrading li saru f’dawn l-iskejjel matul l-aħħar snin b’koordinazzjoni tal-Ministeru għal Għawdex. Matul is-sena 2008, il-Ministeru għal Għawdex għamel nefqa ta’ madwar €350,000 fi spejjeż għall-manutenzjoni fi skejjel fil-Kulleġġ ta’ Għawdex.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U MILL-MINISTERU GĦALL-POLITIKA SOĊJALI U L-FAMILJA   Aktar għarfien dwar is-saħħa mentali fost it-tfal

PR261985

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...

STQARRIJA MILL-UFFIĊĊJU TAL-PRIM MINISTRU  Il-Prim Ministru Robert Abela jippresjedi l-iffirmar ta’ tliet ftehimiet kollettivi għal madwar 1,700 ħaddiem

PR261984

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela ji...

Aktar Stqarrijiet Right arrow