EŻERĊIZZJU TA’ simulazzjoni ta’ terrimot F’Sit f’Baħar iċ-Ċagħaq
PR0018
09/01/2009
| Id-Dipartiment tal-Protezzjoni Ċivili ta’ Malta | llum kompla jsaħħaħ is-sħubija tiegħu ma’ entitajiet simili barranin permezz ta’ eżerċizzju ta’ simulazzjoni li fih qed jippartiċepaw numru ta’ esperti barranin mill-Organizzazzjoni ta’ Voluntiera tal-Protezzjoni Ċivili Germaniża (THW). |
| Waqt żjara qasira fis-sit tal-eżerċizzju f’Baħar | iċ-Ċagħaq, il-Ministru għall-Ġustizzja u l-Intern, Carmelo Mifsud Bonnici, saħaq fuq l-importanza ta’ attivitajiet simili peress li dawn jgħinu biex iżommu r-riżorsi kollha ta’ pajjiżna fl-istat ta’ tħejjija meħtieġ biex Malta tkun tista tiffaċċja emerġenzi simili. |
| “Dan l-eżerċizzju huwa wkoll importanti peress | li qed iżid il-koordinazzjoni bejn ir-riżorsi ta’ protezzjoni ċivili tagħna u dawk ta’ pajjiżi oħra. Ta’ min jgħid li dan l-aħħar Malta saħħet il-kollaborazzjoni bilaterali fuq materji ta’ protezzjoni ċivili ma’ bosta pajjiżi, fosthom Spanja, il-Ġermanja u Franza u l-Italja. Fil-fatt aktar tard din is-sena id-Dipartiment tal-Protezzjoni Ċivili ser ikun qed jagħmel eżerċizzju mad-Dipartiment Taljan,” qal il-Ministru. |
| Il-Ministru Mifsud Bonnici qal ukoll li fuq | livell Ewropew, Malta qed issostni fuq il-bżonn ta’ aktar koordinazzjoni fir-reġjun Mediterranju, peress li l-kalamitajiet naturali f’dan ir-reġjun huma differenti minn dawk li jolqtu r-reġjuni fit-tramuntana tal-kontinent. Pajjiżna għalhekk qed jisħaq fuq il-bżonn li jiġi identifikat pajjiż li jkun responabbli biex jikkordina r-rispons tal-entitajiet responsabbli mill-protezzjoni ċivili tar-reġjun Mediterranju. |
| Il-Ministru temm billi rringrazzja | lill-uffiċjali u l-voluntiera kollha li pparteċipaw f’dan l-eżerċizzju. Huwa faħħar lill-membri ta’ SPIDER għad-dedikazzjoni li juru kontinwament, kemm bil-parteċipazzjoni tagħhom f’eżerċizzji bħal dawn, kif ukoll bis-sehem importanti li jagħtu ta’ kuljum fil-ħidma tad-Dipartiment. |
Noti għall-Edituri:
· Għal dan l-eżerċizzju ta’ simulazzjoni, dak li kien il-White Rocks Complex qed iservi bħala x-xenarju ta’ operazzjoni ta’ salvataġġ estensiva f’kumpless turistiku wara li Malta tkun intlaqtet minn terrimot ta’ qawwa 5.1 fuq l-iskala Richter.
· Fis-simulazzjoni, il-Korp ta’ Voluntiera tad-Dipartiment tal-Protezzjoni Ċivili (S.P.I.D.E.R) immexxi minn uffiċjali tad-Dipartiment u tim mediku żgħir intbagħtu fil-kumpless biex jagħmlu l-interventi meħtieġa b’tagħmir bażiku.
Other Press Releases:
PR261985
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...
PR261984