Left arrow Mur Lura

TILQIM KONTRA L-INFLUWENZA

PR0011
Date Icon 08/01/2009
Iċ-Ċentru Ewropewgħall-Prevenzjoni u l-Kontroll tal-Mard (ECDC) irrapporta li numru ta’ pajjiżi fin-nofsinhar u l-punent tal-UE qed jirrappurtaw rati ta’ konsultazzjoni għall-influwenza li huma ogħla mir-rati li kien hemm f’dawn l-aħħar żewġ staġuni jew aktar. Hawn Malta d-Diviżjoni tas-Saħħa rat żieda fin-numru ta’ kumplikazzjonijiet li għandhom x’jaqsmu mal-influwenza fil-komunità tul dawn l-aħħar ġimagħtejn. Ħafna mill-“viruses” li ġew identifikati s’issa fl-Ewropa huma tal-influwenza A (H3N2), it-tip li hu assoċjat ma’ influwenza ta’ ċerta qawwa.
Għalhekk id-Diviżjonitas-Saħħa qed tistenna li se jkun hawn aktar każijiet ta’ influwenza madwar l-Ewropa kollha, inkluż hawn Malta.  It-tilqima li hawn hi effettiva u għalhekk id-Diviżjoni tas-Saħħa qiegħda tħeġġeġ lil dawk kollha li qegħdin f’riskju għoli li jistgħu jimirdu bl-influwenza kif ukoll lill-ħaddiema fil-qasam tal-kura tas-saħħa sabiex jitlaqqmu.  Nies li għandhom aktar minn 55 sena u dawk li għandhom kundizzjonijiet mediċi kroniċi bħalma huma l-mard kroniku tan-nifs, il-mard tal-qalb, il-mard tal-kliewi u kundizzjonijiet li jaffettwaw l-immunità, li huma kkunsidrati li huma l-gruppi li l-aktar huma f’riskju għall-influwenza, u ħaddiema fil-qasam tal-kura tas-saħħa, li għadhom ma tlaqqmux kontra l-influwenza din is-sena, huma mħeġġa biex imorru fiċ-Ċentri tas-Saħħa biex jieħdu t-tilqima b’xejn.
Il-link għall-istqarrija maħruġa llummill-ECDC:

http://ecdc.europa.eu/en/News_Media/Press_Releases/080108_pr.aspx

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U MILL-MINISTERU GĦALL-POLITIKA SOĊJALI U L-FAMILJA   Aktar għarfien dwar is-saħħa mentali fost it-tfal

PR261985

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...

STQARRIJA MILL-UFFIĊĊJU TAL-PRIM MINISTRU  Il-Prim Ministru Robert Abela jippresjedi l-iffirmar ta’ tliet ftehimiet kollettivi għal madwar 1,700 ħaddiem

PR261984

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela ji...

Aktar Stqarrijiet Right arrow