TINXTEGĦEL SIĠRA TAL-MILIED B’DIFFERENZA FIL-MINISTERU GĦAL GĦAWDEX
PR2039
19/12/2008
| Siġra tal-Milied imdawla b’45 xemgħa qiegħda | żżejjen l-entratura tal-Ministeru għal Għawdex f’dawn il-festi tal-Milied. |
| Din is-siġra, li nħadmet bil-ħadid mill-għalliema | u l-istudenti waqt il-lezzjonijiet tax-xogħol fil-metall, fiċ-Ċentru Għawdxi tal-Arti u l-Artiġjanat Wistin Camilleri f’Għajnsielem, kienet esebita fil-Wirja tal-Milied li ttellgħet fis-sala tal-konferenzi tal-istess ċentru madwar ġimgħatejn ilu. |
| Il-Ministru għal Għawdex qalet li din is-siġra | tal-Milied għandha sservi ta’ xempju ta’ kif nistgħu nibżgħu għall-ambjent u l-konservazzjoni tal-enerġija, waqt li fl-istess ħin nidħlu fl-atmosfera tal-Milied. Hija żiedet tgħid li dan għandu jsir b’mod partikolari fid-dawl tal-viżjoni tal-gvern biex jagħmel minn Għawdex gżira ekoloġika sal-2015. |
| Il-Ministru Giovanna Debono fakkret f’miżuri | oħra li ġew meħuda mill-Ministeru tagħha fir-rigward tal-użu aħjar tal-enerġija u l-immaniġjar tal-iskart. |
| Fost l-oħrajn, il-Ministru | semmiet l-istallazzjoni tal-panelli fotovoltajiċi fuq il-bejt tal-Ministeru għal Għawdex, kif ukoll l-istallazzjoni tal-Power Factor Corrector fl-Isptar Ġenerali ta’ Għawdex li jnaqqas il-konsum u jwassal għal użu aktar effiċjenti tal-enerġija elettrika. Qalet ukoll li bħalissa qed isir studju li għandu jindika jekk huwiex vijabbli li jiġi nstallat Power Factor Corrector fil-bini Amministrattiv tal-Ministeru. Il-Ministru Debono semmiet il-fatt li l-impjegati tal-gvern huma mħeġġa jitfu d-dwal u l-airconditioners meta l-uffiċini ma jkunux qed jintużaw, kif ukoll li meta jinħarqu l-bozoz tal-elettriku jinbidlu ma’ dawk energy saving. Ħaġa oħra li tgħin fit-tnaqqis ta’ ħela ta’ enerġija hija li jkun inċentivat il-printer sharing. |
| Għal dawn il-festi, bħas-snin | l-imgħoddija, qed tittella’ wirja ta’ presepji varji fis-sala tal-wirjiet tal-Ministeru għal Għawdex. Din se tkun miftuħa sal-1 ta’ Jannar 2009. |
Stqarrijiet Oħra:
PR261985
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...
PR261984