Left arrow Mur Lura

L-ONOR JASON AZZOPARDI, SEGRETARJU PARLAMENTARI GĦALL-ERARJI PUBBLIĊI U ARTIJIET, INIEDI SERVIZZ TA' FREEPHONE 1577, BIEX JIĠI RRAPPURTAT L-ABBUŻ TA' PROPRJETA' PUBBLIKA

PR1940
Date Icon 09/12/2008
Illum ġie varat is-servizz ta’ Freephone 1577,biex in-nies tkun tista’ tirrapporta l-abbuż ta’ art jew proprjeta’ pubblika. Dan huwa pass ieħor fil-proġett li nieda id-Dipartiment tal-Artijiet f’April li għadda bl-ewwel azzjonijiet ta’ infurzar – azzjonijiet maħsuba biex tingħata lura l-art pubblika lill-pubbliku.
Dan qalu s-Segretarju Parlamentari għall-ErarjiPubbliċi u Artijiet, l-Onor Jason Azzopardi, waqt konferenza stampa fil-Berġa tal-Baviera, is-sit amministrattiv tad-Diviżjoni Proprjeta’ tal-Gvern (GPD).
Fl-okkażjoni, is-Segretarju Parlamentari qalilli sa mill-bidu tas-sena, il-GPD għamlet iktar minn 160 azzjoni ta’ infurzar, illi 44 minnhom kienu fuq imwejjed u siġġijiet maħruga fuq art pubblika mingħajr il-permess ta’ sid l-art.  L-oġġetti meħuda mill-uffiċjali tal-GPD, għax kienu qed jingumbraw spazji pubbliċi, jammontaw għal iktar minn elf u erbgħin.
Dr Azzopardi qal illi il-Freephone 1577huwa għodda ġdida f’idejn il-pubbliku biex jingħaqad iktar minn qabel mal-awtoritajiet governattivi f’dan il-proġett nazzjonali.  Permezz tal-Freephone 1577, il-pubbliku jkun jista’ jħalli rapport mal-istaff tal-GPD, li ser jieħu d-dettalji tal-każ partikolari, illi jiġu investigati mid-Dipartiment tal-Artijiet.

Dr Azzopardi qal ukoll illi dan is-servizz ta’ freephone ser ikun akkumpanjat ukoll minn webpage magħmula apposta biex il-pubbliku jkun jista’ jirreferu għaliha f’każ ta’ diffikulta’.  F’din il-webpage illi tista’ faċilment tiġi aċċessata permezz tal-url iddedikat www.1577.gov.mt, il-pubbliku jista’ jsib informazzjoni utli fuq kif jista’ jintuża dan is-servizz tal-freephone. 

Is-servizz tal-freephone huwa servizz bla ħlas, u huwa miftuħ għall-użu tal-pubbliku erbgħa u għoxrin siegħa kuljum, sebat ijiem fil-ġimgħa.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U MILL-MINISTERU GĦALL-POLITIKA SOĊJALI U L-FAMILJA   Aktar għarfien dwar is-saħħa mentali fost it-tfal

PR261985

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...

STQARRIJA MILL-UFFIĊĊJU TAL-PRIM MINISTRU  Il-Prim Ministru Robert Abela jippresjedi l-iffirmar ta’ tliet ftehimiet kollettivi għal madwar 1,700 ħaddiem

PR261984

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela ji...

Aktar Stqarrijiet Right arrow