Left arrow Mur Lura

PREMJU NAZZJONALI TAL-KTIEB U TIFKIRA TAL-POEMA “IL-JIEN U LIL HINN MINNU”: AKTAR MINN 400 KTIEB PUBBLIKATI F’MALTA DIN IS-SENA

PR1906
Date Icon 04/12/2008
“Is-sena li għaddiet kienu ppubblikatif’Malta aktar minn 400 ktieb, aktar minn medja ta’ wieħed kuljum u fil-parti l-kbira tagħhom kienu kotba bil-Malti.” Dan qalitu l-Ministru tal-Edukazzjoni, Kultura, Żgħażagħ u Sport Dolores Cristina f’diskors li għamlet il-bieraħ fil-għaxija fl-okkażjoni tal-Premju Nazzjonali tal-Ktieb.
Il-Ministru Cristina qalet li fis-seratatlaqqgħu flimkien żewġ attivitajiet f’lejla waħda. Żewġ attivitajiet li huma intimament relatati. Qegħdin niċċelebraw il-Ktieb Malti u qed infakkru s-70 anniversarju ta’ wieħed mill-isbaħ xogħlijiet letterarji bil-Malti, il-poema ta’ Dun Karm “Il-Jien u Lil Hinn Minnu”.
Hi sostniet li l-ktieb Malti ħaqqnaniċċelebrawh għaliex fl-aħħar snin għamel progressi kbar. Progress kemm fil-livell tal-kontenut letterarju, it-temi trattati, il-preżentazzjoni kif ukoll fin-numru ta’ kotba Maltin.
Biżżejjed wieħed jiftakar li f’Malta jkunuppubblikati medja ta’ ktieb kuljum u ftit aktar. Fil-fatt is-sena li għaddiet kienu pubblikati 402 kotba u din is-sena lħaqna l-istess livelli.
Ftit tal-ġimgħat ilu, meta l-Ministru kienetmistiedna tinawgura l-Fiera Nazzjonali tal-Ktieb kien hawn f’Malta l-Kummissarju Ewropew għall-Multilingwiżmu s-Sur Leonard Orban – li flimkien magħha żar il-Fiera u baqa’ impressjonat bil-kwantità, il-varjetà u l-kwalità tal-kotba pubblikati f’pajjiżna.
Minkejja ċ-ċokon ta’ pajjiżna n-numru ta’kotba Maltin hu relattivament kbir u għalkemm is-suq hu żgħir l-awturi u l-pubblikaturi jibqgħu joffrulna kotba tal-ogħla livell.
Il-biża’ li ħafna kienu u għadhom jesprimu,li l-internet se jieħu post il-ktieb, donnu li ma jgħoddx għal pajjiżna għax il-ktieb Malti għadu għaddej b’saħħtu u b’kontinwità. Dawn il-fatti jpoġġu f’dawl differenti, rapporti ppubblikati riċentement li l-Maltin huma l-anqas poplu li jaqra fl-Ewropa.
Il-Ministru Cristina ħabbret li l-KunsillNazzjonali tal-Kiteb, dalwaqt se jniedi proġett ta’ riċerka dwar il-qari f’pajjiżna biex naraw kif nistgħu nkomplu nħajru aktar nies li jaqraw u jagħmlu mill-ktieb il-veru ħabib tagħhom.
Ninsabu fi ġranet ta’ festi li magħhom iġibuwkoll l-għoti ta’ rigali. Il-ktieb hu fost l-isbaħ rigali li wieħed jista’ jagħti. Għalhekk appellat biex meta wieħed jiġi biex jagħżel ir-rigali li se jagħti fil-Milied, jikkunsidra l-ktieb bħala rigal, hu min hu l-persuna li se tirċivieh.
Żgur li wieħed jista’ jsib rigal għall-gostiu għall-etajiet ta’ kulħadd. B’hekk filwaqt li nkomplu nnisslu l-imħabba għall-ktieb u nħeġġu aktar nies jaqraw, inkunu qed ninkoraġġixxu wkoll lill-awturi u l-pubblikaturi Maltin biex ikomplu bil-ħidma fejjieda tagħhom.
Il-Ministru rreferiet ukoll għat-tfakkiratal-poema tal-poeta nazzjonali Dun Karm Psaila. Dwar dan ix-xogħol lettararju nkiteb u ntqal ħafna. Il-bieraħ stess intiseġ studju importanti ħafna dwar din il-poema. Hi ferħet lil Immanuel Mifsud għad-diskors li ħejja għas-serata ta’ tifkira. Irringrazzjat ukoll lil dawk li qabel tawna trattati importanti dwar “Il-Jien u Lil Hinn Minnu”, fosthom Oliver Friggieri, li hu wieħed mill-istudjużi ewlenin ta’ Dun Karm, u oħrajn.
Dan kollu hu ta’ ġieħ għal ilsienna li hul-aktar ħaġa li tidentifikana bħala Maltin. Ċelebrazzjonijiet bħal din irridu nkomplu nagħmluhom biex nassiguraw li nżommu l-ilsien Malti fl-ogħla livell kif jixraqlu.
Il-Ministru tal-Edukazzjoni, Kultura,Żgħażagħ, Sport ferħet lill-awturi u pubblikaturi li kienu ppremjati għall-ħidma tagħhom. Lilhom u lill-awturi u pubblikaturi Maltin kollha, awguratilhom aktar ħidma u aktar suċċessi fil-ħidma tagħhom li tagħmlilna ġieħ bħala poplu.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U MILL-MINISTERU GĦALL-POLITIKA SOĊJALI U L-FAMILJA   Aktar għarfien dwar is-saħħa mentali fost it-tfal

PR261985

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...

STQARRIJA MILL-UFFIĊĊJU TAL-PRIM MINISTRU  Il-Prim Ministru Robert Abela jippresjedi l-iffirmar ta’ tliet ftehimiet kollettivi għal madwar 1,700 ħaddiem

PR261984

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela ji...

Aktar Stqarrijiet Right arrow