IL-15 –IL ANNIVERSARJU MIT-TWAQQIF TAL-KUNSILLI LOKALI - ATTIVITAJIET FL-ISKEJJEL PRIMARJI
PR1898
04/12/2008
| Bħala parti minn ġimgħa ta’ attivitajiet biex | jiġi ċelebrat il-15 –il anniversarju mit-twaqqif tal-Kunsilli Lokali f’Malta, illum l-iskejjel primarji ta’ Malta u Għawdex organizzaw ġurnata ta’ attivitajiet marbuta mal-Kunsilli Lokali. |
| Huwa importanti li t-tfal tagħna jifhmu l-importanza | tal-Kunsilli Lokali u tar-rwol li għandhom fis-soċjetà u kien b’dan il-ħsieb li t-tfal ġew involuti kemm fil-proċess ta’ konsultazzjoni dwar ir-riforma tal-Kunsilli Lokali u kif ukoll fiċ-ċelebrazzjonijiet tal-15 –il anniversarju mit-twaqqif tagħhom. |
| L-attivitajiet li ġew organizzati jvarjaw minn | lokalità għall-oħra. Fost l-oħrajn, f’numru ta’ lokalitajiet, ġew organizzati laqgħat u taħditiet bejn is-Sindki u t-tfal tal-iskola fejn it-tfal kellhom iċ-ċans jagħmlu l-mistoqsijiet tagħhom u jitgħallmu aktar dwar il-Kunsilli Lokali. |
| Fil-lokalità tal-Imtarfa sar kwizz għat-tfal | dwar l-istorja tal-Kunsilli Lokali f’Malta b’attenzjoni partikolari fuq il-Kunsill tal-Imtarfa u fl-Iklin il-Kunsill Lokali qassam numru ta’ kotba lit-tfal. |
| L-iskola Primarja B tar-Rabat Malta, ddedikat | lezzjoni speċjali tal-Istudji Soċjali għall-Kunsilli Lokali. Fil-Floriana l-attivitajiet kienu jinkludu preżentazzjoni mit-tfal dwar il-Floriana u l-Kunsilli Lokali, qari ta’ poeżiji dwar il-lokalità u intervista mit-tfal ma’ anzjan mill-Floriana. |
| F’Għawdex uħud mill-attivitajiet, fosthom dawk | tal-Għarb u ta’ Għajnsielem rabtu l-attività mal-festi tal-Milied. F’Sannat saret żjara f’siti arkeoloġiċi f’Ta’ Ċenċ u attivitajiet sportivi li saru b’kollaborazzjoni mal-Kunsill Lokali tal-Munxar. |
| Fil-Qala sar Forum marbut mal-kunċett ta’ | EkoSkola u fin-Nadur ingħataw premijiet lil dawk li pparteċipaw f’esebizzjoni dwar il-Kunsill Lokali, il-lokalità u l-organizzazzjonijiet li hemm fin-Nadur. |
| Is-Sindki ta’ Victoria u tax-Xagħra żaru numru | ta’ klassijiet fl-iskejjel tagħhom u fix-Xewkija kienu l-istudenti li żaru l-uffiċċji tal-Kunsill Lokali. Kien hemm ukoll tħawwil ta’ sigar fiż-Żebbug u djalogu mas-Sindku f’San Lawrenz. |
| Is-Segretarju Parlamentari għall-Konsultazzjoni | Pubblika u Informazzjoni Chris Said dalgħodu żar numru ta’ skejjel waqt li kienu għaddejjin dawn l-attivitajiet u ħa l-opportunità biex, bħalma għamel waqt il-proċess ta’ konsultazzjoni, jitkellem mat-tfal dwar il-Kunsilli Lokali. Fost l-oħrajn Dott. Said żar l-iskejjel ta’ Għajnsielem f’Għawdex, il-Mellieħa, fejn kien hemm ukoll l-ex Sindki tal-lokalità, iż-Żabbar u l-Floriana f’Malta. |
| Waqt dawn iż-żjarat Chris Said tkellem dwar | l-importanza tal-Kunsilli Lokali fil-lokalitajiet speċjalment fil-qasam edukattiv. Huwa tkellem ukoll mat-tfal dwar l-importanza li dawn jifhmu l-ħidma tal-Kunsill Lokali tagħhom u dwar l-importanza li jrawmu sens ċiviku minn meta jkunu żgħar. Chris Said qal li kull meta niġu biex nagħmlu bidla, l-akbar problema tkun li tibdel il-mentalità. Iżda jekk it-tfal jitilgħu b’sens ċiviku u mħabba lejn il-lokalità tagħhom u pajjiżhom din il-problema ma nibqgħux niltaqgħu magħha fil-futur. |
Stqarrijiet Oħra:
PR261985
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...
PR261984