Left arrow Mur Lura

IS-SEGRETARJU PARLAMENTARI GĦALL-KONSULTAZZJONI PUBBLIKA U INFORMAZZJONI L-ONOR. CHRIS SAID, JATTENDI GĦAĊ-ĊELEBRAZZJONIJIET TA’ JUM FONTANA

PR1872
Date Icon 02/12/2008
Il-Kunsill Lokalital-Fontana huwa eżempju ċar ta’ kif  l-Kunsilli Lokali biddlu l-lokalitajiet tagħna f’dawn l-aħħar ħmistax-il sena.  Dan qalu s-Segretarju Parlamentari għall-Konsultazzjoni Pubblika u Informazzjoni l-Onor. Chris Said meta ppresieda attivita’ sabiex tfakkar Jum il-Fontana u l-Ħmistax-il Anniversarju mit-twaqqif tal-Kunsill Lokali ta’ din il-lokalita’ żgħira f’ Għawdex.
F’ din l-okkażjonis-Segretarju Parlamentari faħħar il-ħidma tal-Kunsill Lokali tal-Fontana li mill-bidu nett ħadem bla waqfien biex illum fost l-oħrajn kull triq fil-Fontana hija  re-surfaced, saru bankini ġodda kullimkien, pavimentar fl-isqaqien kollha, dwal energy saving fit-toroq prinċipali, numru ta’ belvederes, playing field ġdid, restawr ta’ għejjun storiċi, passaġġi fil-kampanja, bini ta’ sala ġdida tal-komunita’ u numru kbir ta’ attivitajiet kulturali għall-anzjani, tfal u żgħażagħ.
Il-Kunsill Lokalital-Fontana f’ kull rapport ta’ effiċċjenza dwar il-ħidma tal-Kunsilli Lokali li joħrog kull sena dejjem ingħata punti għoljin għal ħidma li jwettaq biex iżomm il-lokalita’ fl-aħjar kundizzjoni.  Dott. Chris Said awgura li r-residenti tal-Fontana jkomplu jsostnu u jikkoperaw mal-Kunsill tagħhom kif għamlu sallum biex dan ikompli jaħdem għal ġid tagħhom.
Dott. Saidirringrazzja lil dawk kollha li servew bħala Kunsilliera fil-Kunsill Lokali tal-Fontana f’ dawn il-ħmistax-il sena u b’ mod partikluari lis-Sindku Saviour Borg illi ilu jservi fil-Kunsill sa mit-twaqqif tiegħu.
F’ din l-attivita’ngħata wkoll Gieħ il-Fontana lill-aħwa Carmen u Georgina Galea illi ħadmu għal snin twal fil-qasam tal-edukazzjoni.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U MILL-MINISTERU GĦALL-POLITIKA SOĊJALI U L-FAMILJA   Aktar għarfien dwar is-saħħa mentali fost it-tfal

PR261985

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...

STQARRIJA MILL-UFFIĊĊJU TAL-PRIM MINISTRU  Il-Prim Ministru Robert Abela jippresjedi l-iffirmar ta’ tliet ftehimiet kollettivi għal madwar 1,700 ħaddiem

PR261984

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela ji...

Aktar Stqarrijiet Right arrow