IL-PRESIDENT ITEMM IŻ-ŻJARA UFFIĊJALI F’SANTA VENERA
PR1799
23/11/2008
| “Raħal li fl-aħħar | snin kiber b’residenti li ġew minn diversi nħawi minn Malta, fejn teżisti għaqda bejn il-komunita’ ta’ qabel ma’ dik il ġdida, b’attivita’ kbira flimkien”– Hekk iddeskriva Santa Venera il-President Eddie Fenech Adami meta indirizza l-kunsilliera fi tmiem iż-żjara uffiċjali ta’ jumejn. |
| Dalgħodu | l-President u s-Sinjura Fenech Adami wara li semgħu l-quddiesa fil-Parroċċa ta’ Santa Venera, li din is-sena għalqet 90 minn mindu twaqqfet, żammew l-użanza li fil-laqgħat uffiċjali tagħhom jiltaqgħu mar-residenti tal-lokal għal kafe u pastizzi. Il-President qal li kien il-pjaċir tiegħu li jżur Santa Venera raħal bi storja u b’residenti b’sens ta’ komunita’, riżultat tal-ħidma tal-għaqdiet volontarji u l-Kunsill Lokali. Hawnhekk il-President irrefera għall-laqgħa li kellu nhar il-Ħamis filgħaxija meta ltaqa’ ma’ diversi għaqdiet volontarji fir-raħal. |
| Il-President | akkumpanjat mis-Sindku is-Sinjura Elizabeth Vella ltaqa’ ma’ numru ta’ personalitajiet fir-raħal, bħal Joe Micallef li huwa induratur magħruf l-iktar għax-xogħol fuq l-arloġġ tal-lira u li jgħallem din is-sengha, biex dan ix-xogħol Malti ma jintilifx. Kien ta’ pjaċir għall-President li jżur il-qassisin fil-kunvent ta’ San Ġużepp kif ukoll l-anzjani ta’ Dar Ħanin Samaritani. |
| Il-President | iltaqa’ wkoll mal-membri tas-Soċjeta’ Filarmonka Santa Venera u mat-tfal ta’ Santa Venera Youth Nursery waqt it-training tagħhom. Żar ukoll il-ġnien Romeo Romano fejn hemm is-Sienja u kien hawnhekk li seta’ jara il-ħidma tal-boys scouts u l-girl guides u membri tal-M.U.S.E.U.M waqt l-attivtajiet tagħhom. |
| Fi programm | separat, is-sinjura Fenech Adami żaret l-anzjani f’Apap Institute immexxi mis-sorijiet tad-Dumnikani kif ukoll persuni bi problemi soċjali fi ħdan il-bini Konservatorju Vincenzo Bugjeja li jilqa’ fih erba’ entitajiet li huma Dar is-Sliem, Joan Antide, Fejda u Shelter Home. Is-Sinjura Fenech Adami żaret ukoll familji fil-bżonn. |
Stqarrijiet Oħra:
PR261985
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...
PR261984