Left arrow Go Back

DISKORS MILL-ONOR. LAWRENCE GONZI, PRIM MINISTRU, WAQT IL-PRANZU AD UNUR L-E.T. MS QUENTIN BRYCE, GVERNATUR GENERALI TAL-COMMONWEALTH TAL-AWSTRALJA

PR1753
Date Icon 15/11/2008

Gvernatur Ġenerali,

Eċċellenza,

Eċċellenzi,

Sinjuri,

Huwa bi pjaċir kbirgħalija li nilqagħkom hawnhekk, il-Gvernatur Ġenerali tal-Commonwealth tal-Awstralja u l-Eċċellenza Tiegħek, fil-Berġa ta’ Kastilja.  Nifraħlek għall-ħatra riċenti tiegħek f’din il-kariga għolja
L-Awstraljanigħandhom il-fama li jħobbu jivvjaġġaw ħafna.  Eluf ta’ żgħażagħ Awstraljani jibdew il-ħajja tagħhom bħala adulti billi jivvjaġġaw madwar id-dinja. Eluf jagħżlu l-Ewropa bħala l-ewwel destinazzjoni tagħhom, ħafna drabi jinkludu ’l Malta.  Huwa ta’ unur għalina li l-Eċċellenza Tiegħek ukoll għażlet lil Malta bħala parti mill-ewwel żjarat uffiċjali tiegħek.
Bħala Prim Ministru,għandi l-unur li lqajt Malta sew Gvernatur Ġenerali kif ukoll Prim Ministru Awstraljan.  Fl-2007 kellna żjara wkoll minn delegazzjoni uffiċjali mill-Parlament Awstraljan. Il-veru karattru esploratur Awstraljan ħareġ matul din iż-żjara meta membru ta’ din id-delegazzjoni, membru federali minn Cairns, skopra li wieħed mill-arazzi tas-17-il seklu fil-Palazz Presidenzjali juri Cassowaries li jinsabu biss fl-istat tagħkom ta’ Queensland.  Din l-iskoperta tqanaqal il-mistoqsija jekk kienx veru Captain Cook li kien l-ewwel esploratur mill-Punent li jirfes fuq l-Awstralja la darba l-arazz antiċipa ż-żjara ta’ Captain Cook fl-Awstralja b’mitt sena.

Eċċellenza

Kif taf, il-pajjiżitaghna t-tnejn ‘huma mdawra bil-baħar’ u nispera li taqbel, it-tnejn huma ‘ta’ ġmiel rari liema bħalu’  Matul is-snin ir-relazzjoni bejn l-Awstralja u Malta dejjem issaħħet.  Għandna relazzjonijiet politiċi li huma eċċellenti,  waqt li fl-oqsma legali, edukattivi u kulturali ż-żewġ pajjiżi jaqsmu wirt u viżjoni komuni.
Tqabadna spallama’ spalla fiż-Żewġ Gwerer Dinjija u fidila lejn il-missjoni tagħha ta’ Nurse of the Mediterranean Malta tat kenn ukoll u kkurat ħafna suldati Awstraljani feruti tul il-Gallipoli Campaign.  Illum Jum l-ANZAC huwa jum speċjali ta’ tifkira f’Malta li jkun kommemorat kull sena.
Eċċellenza,ir-relazzjoni bejn il-pajjiżi tagħna hija msejsa fuq għanijiet komuni, valuri u interessi li nħaddnu t-tnejn li aħna, kif ukoll sens bażiku profond ta’ respett u ħbiberija.  Minkejja dan, din il-ħbiberija hija aktar profonda minn dawn il-karatteristiċi u valuri nobbli. Qiegħed nirreferi għar-relazzjoni li hija ssiġillata b’affinità ta’ demm.
L-ewwel Maltin waslul-Awstralja fit-tletinijiet tas-seklu dsatax.  Għall-ewwel ħafna sawru ħajjithom  madwar l-industrija tal-kannamieli fi Queensland.  L-immigranti Maltin komplew għal ħafna snin. L-Awstralja għoġbot b’mod partikolari lill-Maltin u l-Għawdxin wara t-Tieni Gwerra Dinjija meta madwar 50,000 emigrant ħallew xtutna biex jibnu ħajja ġdida u aktar prospera u ġeneralment kienu milqugħin kordjalment.
It-telfa tagħnaserviet ta’ gwadann għalikom u l-unika konsolazzjoni tagħna hija li l-Maltin fl-Awstralja rnexxielhom isiru professjonisti proattivi ħafna fin-negozju, fil-politika u l-kummerċ.  Il-kapaċità kbira tagħhom li jadattaw għal ċirkustanzi differenti jagħmilna kburin.
Kif tista’ tara,Gvernatur Ġenerali, huwa f’dan id-dawl li nikkunsidraw lill-Awstraljani mhux biss bħala ħbieb tagħna iżda bħala parti mill-familja estiża tagħna. Hija din ir-relazzjoni mill-qrib li wasslitni biex inqajjem il-kwistjoni ta’ immigrazzjoni irregolari mal-Prim Ministru Kevin Rudd f’Settembru li għadda.  Jiena konxju mill-fatt li l-Awstralja għaddiet mill-esperjenza ta’ mewġiet kbar ta’ rifuġjati fl-imgħoddi u tkompli tilqa’ rifuġjati permezz tal-uffiċċju tal-Kummissarju Għoli għar-Rifuġjati tan-Nazzjonijiet Uniti.  Kien ta’ sodisfazzjon meta qaluli li l-Prim Ministru Rudd talab lill-Ministru għall-Immigrazzjoni biex jinvestiga s-sitwazzjoni li Malta qed tiffaċċja f’dan ir-rigward.

Eċċellenza

Illum, Malta hijawkoll membru tal-Unjoni Ewropea.  L-iffirmar riċenti tal-Qafas għal Ftehim ta’ Sħubija Ewro-Awstraljan jawgura tajjeb mhux biss għal aktar tisħiħ tar-relazzjonijiet bejn il-pajjiżi tagħna, iżda wkoll jipprovdi bażi oħra komuni li fuqha nkunu nistgħu naffrontaw b’suċċess l-isfidi tal-lum ta’ relevanza globali dejjem akbar.
Sew l-Awstralja kifukoll Malta jħaddnu politika barranija fejn jispikkaw it-tisħiħ tal-paċi u s-sigurtà fir-reġjun tagħhom, il-promozzjoni tad-drittijiet umani u d-demokrazija, kif ukoll l-iżvilupp ekonomiku sostenibbli tar-reġjuni kollha fid-dinja. Ninnota b’sodisfazzjoni li l-pajjiżi tagħna jkomplu jikkollaboraw mill-qrib f’dawn l-oqsma, speċjalment fin-Nazzjonijiet Uniti u fil-Commonwealth.
Peress li Malta llumqed taspira li tkun fornitur ewlieni tas-servizzi finanzjarji, ċentru strateġiku tat-trasbord u waħda minn ta’ quddiem fl-industrija tal-informatika, nawgura li l-Awstralja tikkunsidra li tkompli tibbenefika minn dak li Malta għandha x’toffri.
Fuq din in-notaSinjuri, nistedinkom tgħollu t-tazzi tagħkom u tixorbu bis-saħħa tal-Gvernatur Ġenerali tal-Commonwealth tal-Awstralja u l-poplu tal-Awstralja.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U MILL-MINISTERU GĦALL-POLITIKA SOĊJALI U L-FAMILJA   Aktar għarfien dwar is-saħħa mentali fost it-tfal

PR261985

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...

STQARRIJA MILL-UFFIĊĊJU TAL-PRIM MINISTRU  Il-Prim Ministru Robert Abela jippresjedi l-iffirmar ta’ tliet ftehimiet kollettivi għal madwar 1,700 ħaddiem

PR261984

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela ji...

More Press Releases Right arrow