Left arrow Go Back

STQARRIJA TAL-MINISTERU GĦALL-INFRASTRUTTURA, TRASPORT U KOMUNIKAZZJONI: IL-KAP LABURISTA JURI L-INKOMPETENZA TIEGĦU U TAL-KONSULENTI TIEGĦU

PR1708
Date Icon 10/11/2008
Il-konsulenti anonomi tal-PartitLaburista reġgħu ħarġu b’pariri żbaljati u l-Onor. Joseph Muscat irrispekkja l-inkompetenza tagħhom fid-diskors li għamel illum fil-Parlament.
Il-kritika ta’ Dr Joseph Muscatdwar il-kontijiet tal-elettriku u l-ilma kienet premessa fuq il-kalkolu żbaljat li r-rati li introduċa l-Gvern jiġu qishom surcharge bis-sistema l-antika t’aktar minn 190%. Din hi ċifra fantastika u m’hux ta’ b’xejn li Dr Joseph Muscat ma ppubblikax l-aritmetika li waslitu għaliha. Il-verità hi li t-tariffi l-ġodda li kellhom ikunu applikati skond il-formula l-antika tas-surcharge jiġu jfissru surcharge ta’ madwar 125%. Dan hu sostanzjalment anqas mis-surcharge li kieku kienu jħallsu l-konsumaturi f’Ottubru 2008 li kellha tkun ta’ 160% maħduma fuq il-prezz reali taż-żejt tax-xhur li għaddew. Minflok il-Gvern raħħas din l-ispiża għall-konsumaturi minħabba l-indikazzjonijiet tal-prezz taż-żejt għall-futur.
Mill-bidu ta’ din il-premessatotalment żbaljata ta’ Dr Joseph Muscat, jaqgħu l-konklużjonijiet fażulli kollha li ġibed dwar it-tariffi l-ġodda tad-dawl u l-ilma.
Per eżempju meta kkalkula kemmser tħallas residenza biex tikri servizz 3-phase, Dr Joseph Muscat esaġera l-istima tiegħu b’aktar minn erba’ darbiet ir-realtà.
Imbagħad Dr Joseph Muscat kellul-kuraġġ jirrakomanda lill-Gvern li jimplimenta l-bidla fit-tariffi kif kien għamilha l-Gvern immexxi mill-Partit Laburista fl-1997 meta dak il-proċess kien rikonoxxut mill-Partit Laburista stess bħala falliment manifest.
Ċertament dan il-parir ġej minnnuqqas t’informazzjoni li wera li għandu Dr Joseph Muscat. Dan deher per eżempju meta Dr Joseph Muscat qal li l-Gvern ma qalx x’kienu l-prezzijiet taż-żjut li wasslu l-Gvern għat-tariffi l-ġodda. Dan kien assolutament m’hux minnu u dan jixhduh il-membri ta’ l-MCESD, il-ġurnalisti li saritilhom preżentazzjoni f’diversi konferenzi tal-aħbarijiet, u l-esponenti tal-Partit Laburista li bagħat minfloku Dr Joseph Muscat meta l-Gvern stiednu biex jingħata l-informazzjoni kollha dwar is-suġġett. Minflok Dr Joseph Muscat mar ġita u qabel id-diskors tal-lum ma qarax in-noti li għamlulu sħabu.
Fuq kollox la Dr Joseph Muscatbeda jikkwota siti fuq l-Internet, seta’ faċilment iniżżel iċ-ċifri li qed jgħid li l-Gvern ma ppubblikax li ilhom ġimgħat sħaħ fuq is-sit fuq l-Internet tal-Gvern.
L-istess preżentazzjoni kienetturih li żbaljat fl-impressjoni tiegħu li l-inefiċċjenzi tal-Enemalta ma ġewx awditjati jew li dawk l-inefiċċjenzi qegħdin fit-tariffi. L-istess preżentazzjoni kienet turih li l-‘proposta’ li għamel biex ikun hemm tariffa orħos għall-konsum ta’ l-elettriku bil-lejl mill-industriji diġà teżisti u ilha teżisti.
Imbagħad seta’ kkonferma ftitfatti bażiċi qabel tkellem bl-amment bħall-‘proposta’ tiegħu li l-impjanti tar-reverse osmosis jibdew jaħdmu bil-lejl meta diġà hekk jagħmlu. Jew il-‘proposta’ tiegħu li jkun ikkontrollat aktar is-serq ta’ l-elettriku meta l-Enemalta diġà kkuntrattat meters ġodda u aktar sofistikati biex jagħmlu appuntu dak li qed jipproponi. Messu kien jaf ukoll li wara l-amnestija fuq is-serq tal-elettriku fl-2006, inġabru aktar minn miljun ewro f’arretrati u naqas sostanzjalment is-serq.
Il-Ministerugħall-Infrastruttura, Trasport u Komunikazzjoni jirreferi wkoll għal rimarki ta’ Dr Joseph Muscat rigward il-MITTS u jesprimi sogħba għall-isfiduċja li Dr Joseph Muscat iddikjara fil-Korp tal-Pulizija li fil-preżent qed jinvestiga l-każ li qed jirreferi għalih il-Kap ta’ l-Oppożizzjoni. Minflok il-Pulizija, l-Onor. Joseph Muscat irid lil xi ħadd ieħor jinvestiga u ma jgħidx ‘il min irid.
Iżda hu aktar preokkupanti lifrott inkompetenza u konfużjoni totali tal-fatti Dr Joseph Muscat jipprova jnissel dubji fost il-pubbliku dwar il-protezzjoni tal-privatezza u tad-data li huma diġà mħarsa b’salvagwardji istituzzjonali u legali indipendenti u awtonomi mill-Gvern. Hu bil-fors frott l-inkompetenza li Dr Joseph Muscat illum ħallat infrastruttura t’identità elettronika ma’ sistema tal-email. Li Dr Joseph Muscat inissel dubji fil-karti ta’ l-identità elettroniċi hu kapriċċ politiku li ma jagħti kas xejn l-interess tal-Maltin li jkollhom sistema avvanzata ta’ identità elettronika.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U MILL-MINISTERU GĦALL-POLITIKA SOĊJALI U L-FAMILJA   Aktar għarfien dwar is-saħħa mentali fost it-tfal

PR261985

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...

STQARRIJA MILL-UFFIĊĊJU TAL-PRIM MINISTRU  Il-Prim Ministru Robert Abela jippresjedi l-iffirmar ta’ tliet ftehimiet kollettivi għal madwar 1,700 ħaddiem

PR261984

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela ji...

More Press Releases Right arrow