Left arrow Go Back

DISKORS MILL-ONOR LAWRENCE GONZI, PRIM MINISTRU FL-OKKAŻJONI TAL-FTUĦ TAL-WIRJA TA’ PITTURA ASTRATTA "DIARIES OF EXISTENCE" TA’ MARK SAGONA FIL-MUŻEW NAZZJONALI TAL-ARTI, IL-BELT VALLETTA - IL-ĠIMGĦA,  7 TA’ NOVEMBRU 2008.

PR1699
Date Icon 07/11/2008
Wirjiet bħal din tal-lejla, jiftħu tieqa beraħfuq il-ħiliet taż-żgħażagħ Maltin u l-espressjoni artistika.
Huwa ta’ inkoraġġiment kbir meta nara żgħażagħbħal Mark Sagona jiżviluppaw it-talenti u l-kapaċitajiet tagħhom u jiksbsu s-suċċessi fil-karrieri tagħhom.
Din l-esibizzjoni tkompli żżied mas-suċċessi lirnexxielu jikseb Mark f’dawn l-aħħar snin.  Minbarra numru ta’ wirjiet ġewwa Malta u Għawdex, Mark ukoll kellu l-opportunità li jesibixxi ġewwa l-Italja.
Ix-xogħlijiet artistiċi ta’ Mark ġibdul-attenzjoni ta’ ħafna, fosthom barranin, u għandu numru ta’ xogħlijiet esposti barra minn Malta.  Bħal Mark Sagona hawn ħafna artisti ta’ kull età li jaħdmu b’media differenti li huma ambaxxaturi għal pajjiżna fid-dinja tal-arti u l-kultura.  Pajjiżna għandu jfaħħar il-kontribut li jagħtu l-artisti u jagħtihom kull appoġġ.
Nemmen li żgħażagħ bħal Mark jistgħu jkunuxempju għal żgħażagħ oħrajn biex ikomplu jinvestu u jiżviluppaw it-talenti tagħhom.  Mark għaraf l-importanza tal-istudju u r-riċerka għax kompla jistudja l-arti fl-Università ta’ Malta sal-livel ta’ Masters.  Fid-dinja globalizzata tal-lum li qegħdin ngħixu fiha, l-istudju u t-tagħlim huma essenzjali għaż-żgħażagħ.  Huwa ta’ sodisfazzjon kbir li nara x’qed toffri bħala riżultati s-sistema edukattiva Maltija.  Huwa fuq dan il-potenzjal taż-żgħażagħ li l-Gvern jemmen u jrid jibni l-ġejjieni għal pajjiżna.
Mark ukoll għamel riċerka estensiva fuqxogħlijiet ta’ arti tal-passat li qabel ma kienux magħrufa.  Bir-riċerka nkomplu nsaħħu l-identità u l-wirt kulturali ta’ pajjiżna, li huma tant importanti għat-turiżmu u biex insiru nafu nwieġbu għal mistoqsija “aħna min aħna”.
Bl-arti astratta, li qed naraw il-lejla nibdewnagħmlu ħafna mistoqsijiet lilna nfusna:  x’messaġġ ried iwassal l-artist?  Il-messaġġ hu l-istess għal kulħadd?  Fejn ried jasal?  X’kellu f’moħħu?  Il-messaġġ hu suġġettiv jew oġġettiv?  L-arti astratta tgħin biex nagħrblu, nistaqsu u nkunu kreattivi.  Bl-arti astratta li għandna quddiemna qed tiġi stimulata aktar il-kreattività u l-proċess ta’ ħsieb.  Dan hu kontribut ieħor li jagħtu l-artisti f’pajjiżna u lill-poplu.
Filwaqt li nifraħlek għal din il-wirja,nawguralek għall-futur.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U MILL-MINISTERU GĦALL-POLITIKA SOĊJALI U L-FAMILJA   Aktar għarfien dwar is-saħħa mentali fost it-tfal

PR261985

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...

STQARRIJA MILL-UFFIĊĊJU TAL-PRIM MINISTRU  Il-Prim Ministru Robert Abela jippresjedi l-iffirmar ta’ tliet ftehimiet kollettivi għal madwar 1,700 ħaddiem

PR261984

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela ji...

More Press Releases Right arrow