Left arrow Go Back

Titkompla d-diskussjoni dwar l-immigrazzjoni illegali fil-Core Group tal-MEUSAC fil-Ministeru għall-Ġustizzja u l-Intern

PR1693
Date Icon 07/11/2008
Il-Ministeru għall-Ġustizzja u l-Interndal-għodu laqa’ għandu l-Core Group tal-Malta-EU Steering Action Committee (MEUSAC) biex jagħti preżentazzjoni dettaljata dwar l-immigrazzjoni illegali f’pajjiżna lill-membri ta’ dan il-kumitat.
Għal din il-laqgħa kien hemm preżenti ic-Chairmantal-Core Group tal-MEUSAC l-Onor. Chris Said, Segretarju Parlamentari għall-Konsultazzjoni Pubblika u Informazzjoni u Dr. Vanni Xuereb, Kap tal-MEUSAC. Din il-laqgħa saret wara li kienet saret laqgħa tal-Core Group li kienet tittratta l-Politika Komuni dwar l-Immigrazzjoni fis-26 ta’ Settembru, 2008.
F’indirizz qasir qabel il-bidutal-preżentazzjoni, il-Ministru għall-Ġustizzja u l-Intern, l-Onor. Carmelo Mifsud Bonnici, qal li l-immigrazzjoni illegali hija waħda mill-akbar sfidi li għandu quddiemu pajjiżna. “M’hemmx ċavetta waħda biex din l-isfida tissolva. Huwa għalhekk li l-ħidma tagħna hija mifruxa fuq diversi fronti – mhux l-inqas l-enfażi tagħna biex l-Unjoni Ewropea tagħmel sforzi akbar biex jinstabu soluzzjonijiet għal dawn l-isfidi b’mod solidali u ko-ordinat,” qal il-Ministru.
Għalkemm ittrattat l-aspetti kollhatal-immigrazzjoni illegali f’Malta, il-preżentazzjoni iffukat fuq l-obbligazzjonijiet internazzjonali ta’ Malta f’dan il-qasam, il-politika li qed titħaddem mill-Gvern u x’qed isir mal-Unjoni Ewropea biex jigu indirizzati l-isfidi li jippreżenta dan il-fenomenu għal pajjiżna.
Ta’ min jgħid li għalkemm il-Patt dwarl-Immigrazzjoni u l-Ażil bejn il-pajjiżi tal-Unjoni Ewropea poġġa l-pedament għal politika komuni għal dawn l-oqsma u qed jintroduċi mekkaniżmu biex il-piż ta’ l-immigrazzjoni illegali jinqasam bejn is-27 stat membru, Malta diġà kienet qed tisfrutta l-opportunitajiet ta’ finanzjament mill-Unjoni Ewropea għal dan il-qasam.
Fost dawn hemm proġett ġdid li beda jitħaddemdin il-ġimgħa, imsejjaħ Co-ordination and Provision of Welfare Services in Closed Centres li għandu l-għan li jgħati training lill-immigranti waqt li dawn ikunu qed jinżammu f’detenzjoni. Il-proġett li għandu valur ta’ madwar €385,000 qed jiġi ko-finanzjat mill-Unjoni Ewropea taħt item tal-Fond ta’ Emerġenza imsejjaħ Solidarity in Action.
L-ewwel kors li beda jingħata fiċ-ċentru ta’detenzjoni ta’ Lyster, f’Ħal Far qed jiffoka fuq l-orjentazzjoni kulturali. Korsijiet sussegwenti ser iħarrġu lill-immigranti fil-lingwi u l-isport.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U MILL-MINISTERU GĦALL-POLITIKA SOĊJALI U L-FAMILJA   Aktar għarfien dwar is-saħħa mentali fost it-tfal

PR261985

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...

STQARRIJA MILL-UFFIĊĊJU TAL-PRIM MINISTRU  Il-Prim Ministru Robert Abela jippresjedi l-iffirmar ta’ tliet ftehimiet kollettivi għal madwar 1,700 ħaddiem

PR261984

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela ji...

More Press Releases Right arrow