Left arrow Go Back

Is-Segretarju Parlamentari għall-Konsultazzjoni Pubblika u Informazzjoni jniedi l-Milied Mellieħi organizzat mill-Kunsill Lokali tal-Mellieħa

PR1692
Date Icon 07/11/2008
Waras-suċċess li kisbet l-attivita’ organizzata mill-Kunsill Lokali Mellieħa ‘Iljieli Mellieħin’ f`Settembru li għadda, ġie deċiż li għal żmien il-Milied, terġa` tiġi esperimentata attivita’ oħra ġdida bl-isem ta` ‘Milied Mellieħi’. Din l-attivita’ se tieħu l-forma ta’ Christmas Market u ser tiġi organizzata bejn id-19 u s-26 ta` Diċembru fil-Pjazza prinċipali tal-Mellieħa, taħt tinda kbira li se tintrama apposta.
Din l-attivita’ ġiet imnedija mis-SegretarjuParlamentari għall-Konsultazzjoni Pubblika u Informazzjoni, l-Onor. Chris Said u s-Sindku tal-Mellieħa, s-Sur Robert Cutajar.  Chris Said faħħar din l-inizjattiva u qal li bix-xogħol tiegħu l-Kunsill Lokali tal-Mellieħa qed joħloq vetrina għat-talenti lokali u għad-drawwiet u tradizzjonijiet tagħna.
Tul din il-ġimgħa kollha, se jkunu diversil-attrazzjonijiet li se jispikkaw fosthom l-ikel tradizzjonali tal-Milied, żona ddedikata għat-tfal, kif ukoll spettaklu mużikali kull filgħaxija fuq il-palk prinċipali dejjem taħt it-tinda. It-tinda tiftaħ kuljum mis-6.00 ta` filghaxija ‘l quddiem bl-eċċezzjoni tal-Ħadd 21 ta` Diċembru, fejn tkun miftuħa tul il-jum kollu. Fil-jum tal-Ħadd ukoll, wara nofs in-nhar ser tiġi organizzata l-fiera tradizzjonali b`numru ta` rigali sbieħ x`jintrebħu.
Minbarra l-ikel ux-xorb tradizzjonali marbuta ma` dawn iż-żminijiet tal-festi, waqt din l-attivita’ ta’ ‘Milied Mellieħi’, wieħed se jkollu wkoll għażla minn tiġieġ, dundjani, qagħaq ta` l-ghasel, mince pies, kejkijiet tal-milied, imbuljuta, malt wine u kokotina fost ohrajn.
Tispikka l-parteċipazzjonital-British Residents’ Association, li se jkunu qegħdin jippreparaw ikel tradizzjonali Ingliż, fosthom toffee apples għat-tfal.  Il-Kunsill Lokali Mellieħa ħa ħsieb ukoll li għal din l-okkażjoni tinġieb chef mill-Awstrija li tispeċjalizza fuq l-Apple Strudel.  Fi kċina armata apposta, se tkun qed tagħti dimostrazzjoni gastronomika lil dawk preżenti ta` kif issir tradizzjonalment din ir-riċetta sinonima ma’ zmien il-Milied. Wara l-quddiesa ta` nofs il-lejl, kmieni f’Jum il-Milied, wieħed se jkun jista’ jieħu breakfast taħt it-tinda.
Dawk kollha lijattendu se jkollhom iċ-ċans ukoll li jixtru pjanti u rigali oħra bi prezzijiet speċjali waqt bazaar li se jkun hemm għall-okkażjoni.  Dan minbarra  wirjiet u bejgħ ta` artiġġjanat maħdum bl-idejn minn għaqdiet tal-lokal.
L-aspett reliġjuż ukoll se jkun preżenti tul dinil-ġimgħa.  Ser tittella’ wirja tal-presepji u se jkun hemm kant tradizzjonali tal-Milied.  Attrazzjoni oħra f’Lejliet il-Milied se jkun il-presepju ħaj armat viċin il-knisja biex jitgawda minn nies li jkunu deħlin il-knisja għaċ-ċelebrazzjonijiet liturġiċi.
L-Onor. Chris Said qal li l-Gvern jemmenbis-sħiħ li kull lokalita’ f’Malta u Għawdex għandha l-potenzjal li tkun destinazzjoni turistika imma biex dan iseħħ, irid ikun hemm l-isforz ta’ kulħadd biex jittellgħu attivitajiet bħal dawn.  Attivitajiet li jsiru parti mill-kalendarju kulturali ta’ pajjiżna u jgħollu l-kwalita’ tal-pajjiż bħala destinazzjoni turistika anke fir-rigward tat-turiżmu lokali.
Is-Segretarju Parlamentari żied jgħid lil-identitajiet u d-distinzjonijiet tal-lokalitajiet għandna nħarsu lejhom bħala vantaġġ.  U dan il-vantaġġ għandhu jittieħed b’mod sostenibbli, b’mod soċjali, kulturali u ambjentali tal-lokalita’.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U MILL-MINISTERU GĦALL-POLITIKA SOĊJALI U L-FAMILJA   Aktar għarfien dwar is-saħħa mentali fost it-tfal

PR261985

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA U ...

STQARRIJA MILL-UFFIĊĊJU TAL-PRIM MINISTRU  Il-Prim Ministru Robert Abela jippresjedi l-iffirmar ta’ tliet ftehimiet kollettivi għal madwar 1,700 ħaddiem

PR261984

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela ji...

More Press Releases Right arrow