Left arrow Go Back

STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ: Iċ-Chairperson-in-Office tal-OSCE, il-Ministru għall-Affarijiet Barranin Malti Ian Borg, itemm żjara fil-Moldova

PR240579
Date Icon 13/04/2024

Laqgħat ma’ uffiċjali ewlenin, inklużi l-President Maia Sandu u l-Mexxej fi Transdniestria Vadim Krasnoselsky

Il-Presidenza ta’ Malta tal-OSCE tappoġġa bil-qawwa soluzzjoni paċifika u komprensiva għall-kunflitt tat-Transdniestria u se tkompli tappoġġa lil Chisinau u Tiraspol għal soluzzjonijiet prattiċi għall-komunitajiet kollha.

Nhar il-Ġimgħa, il-Ministru għall-Affarijiet Barranin u Ewropej u l-Kummerċ u ċ-Chairperson-in-Office tal-OSCE Ian Borg żar il-Moldova, fejn iltaqa’ ma’ uffiċjali ewlenin, inklużi l-President Maia Sandu u l-Mexxej fi Transdniestria Vadim Krasnoselsky sabiex jiddiskuti r-rwol ċentrali tal-OSCE fit-Transdniestrian Settlement Process.

Il-Ministru Borg kellu wkoll taħditiet mal-Prim Ministru tal-Moldova Dorin Recean, mad-Deputat Prim Ministru għar-Riintegrazzjoni Oleg Serebrian u d-Deputat Prim Ministru u Ministru għall-Affarijiet Barranin Mihai Popșoi.

Il-laqgħat tal-Ġimgħa fil-Moldova ffurmaw parti minn programm intensiv ta’ tlett ijiem għall-Presidenza Maltija tal-OSCE, wara żjarat li saru fis-Serbja u l-Kosovo nhar l-Erbgħa u l-Ħamis, b’aktar minn 30 impenn ma’ awtoritajiet, imsieħba tal-OSCE, mexxejja lokali kif ukoll mas-soċjetà ċivili u organizzazzjonijiet reliġjużi.

Din is-sena, l-Organizzazzjoni għas-Sigurtà u l-Kooperazzjoni fl-Ewropa (OSCE) qed timmarka tliet diċennji ta’ appoġġ lill-Moldova. “Il-missjoni tal-OSCE fil-Moldova bniet sħubija ta’ fiduċja ma’ awtoritajiet, mexxejja politiċi u organizzazzjonijiet tas-soċjetà ċivili, u hija kommessa li tkompli tipprovdi l-esperjenza u l-kompetenza tagħha”, qal il-Ministru Borg.

“Kif affermajna waqt il-laqgħat, f’Chișinău u Bender, napprezzaw ħafna l-fatt li n-naħat kollha kontinwament tennew l-impenn tagħhom sabiex jissolvew il-kwistjonijiet kollha pendenti, u l-kunflitt innifsu, b’mod paċifiku, u l-Presidenza Maltija tappoġġa bil-qawwa linji ta’ komunikazzjoni kostruttivi li għandhom jibqgħu miftuħa għall-partijiet interessati kollha, biex il-proċess ta’ soluzzjoni jkun jista’ jibqa’ għaddej fit-triq it-tajba”. Permezz tal-missjoni tagħha fil-Moldova u tar-Rappreżentant Speċjali taċ-Chairperson-in-Office, l-OSCE se tkompli taħdem lejn soluzzjoni paċifika, komprensiva u dejjiema bbażata fuq is-sovranità u l-integrità territorjali tar-Repubblika tal-Moldova fi ħdan il-fruntieri tagħha internazzjonalment, bi status speċjali għat-Transdniestria fi ħdan il-Moldova,” temm jgħid il-Ministru Borg.

F’Chișinău, id-delegazzjoni tal-Presidenza tal-OSCE Malta ltaqgħet ukoll mar-Rappreżentant Speċjali dwar is-Sessi, Liliana Palihovici, biex tiddiskuti r-rwol importanti tal-Missjoni tal-OSCE fil-Moldova fil-promozzjoni tad-drittijiet tal-bniedem u l-ugwaljanza bejn is-sessi.

Malta bdiet il-Presidenza tagħha ta’ 12-il xahar tal-OSCE f’Jannar, taħt it-tema, “Insaħħu r-Reżiljenza, Intejbu s-Sigurtà”, wara li ntgħażlet biex tmexxi din l-organizzazzjoni għall-ewwel darba fl-istorja tagħha f’Novembru 2023.

STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ: Iċ-Chairperson-in-Office tal-OSCE, il-Ministru għall-Affarijiet Barranin Malti Ian Borg, itemm żjara fil-Moldova
STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ: Iċ-Chairperson-in-Office tal-OSCE, il-Ministru għall-Affarijiet Barranin Malti Ian Borg, itemm żjara fil-Moldova
STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ: Iċ-Chairperson-in-Office tal-OSCE, il-Ministru għall-Affarijiet Barranin Malti Ian Borg, itemm żjara fil-Moldova
STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ: Iċ-Chairperson-in-Office tal-OSCE, il-Ministru għall-Affarijiet Barranin Malti Ian Borg, itemm żjara fil-Moldova
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI TAL-PROGRAMM ELETTORALI  Malta Miegħek: Jiżdiedu l-għotjiet għat-tagħlim tal-mużika fil-każini tal-banda u għall-għaqdiet volontarji li jaħdmu fost iż-żgħażagħ

PR261930

STQARRIJA MILL-MINISTERU GĦAŻ-ŻGĦAŻAGĦ, IL-BENESSERI U L-IMPLIMENTAZZJONI T...

More Press Releases Right arrow