Left arrow Go Back

STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI Jinfetħu n-nominazzjonijiet għall-Youth Empowerment Awards

pr240263
Date Icon 19/02/2024

Waqt konferenza tal-aħbarijiet fl-Università ta' Malta, is-Segretarju Parlamentari għaż-Żgħażagħ, ir-Riċerka u l-Innovazzjoni Keith Azzopardi Tanti ħabbar li qed jinfetħu n-nominazzjonijiet għall-Youth Empowerment Awards. L-għan ta' dawn il-premji huwa li jirrikonoxxu l-impenn u d-dedikazzjoni li l-għaqdiet taż-żgħażagħ joffru sabiex jipprovdu opportunitajiet għaż-żgħażagħ li jattendu l-Università.

Il-Youth Empowerment Awards qed jiġu organizzati minn Aġenzija Żgħażagħ bil-kollaborazzjoni tal-Kunsill Studenti Universitarji (KSU), u bis-sapport finanzjarju ta' Eurodesk. Eurodesk huwa n-netwerk Ewropew taż-żgħażagħ taħt il-kappa tal-programm Erasmus+, li jgħin liż-żgħażagħ jesperjenzaw opportunitajiet internazzjonali.

Is-Segretarju Parlamentari Keith Azzopardi Tanti enfasizza l-importanza tal-irwol taż-żgħażagħ fis-soċjetà tagħna. Semma kif permezz ta' din l-inizjattiva se jippremjaw lil dawk iż-żgħażagħ li diġà qegħdin jagħmlu differenza fit-tmexxija ta' istituzzjoni bħalma hija l-Università ta' Malta għall-ġid tal- istudenti li jattendu hemm.

Is-Segretarju Parlamentari rringrazzja lill-Aġenzija Żgħażagħ u l-Kunsill Studenti Universitarji għall-ħidma tagħhom, filwaqt li ħeġġeġ l-għaqdiet taż-żgħażagħ sabiex jitfgħu n-nomini tagħhom għall-Youth Empowerment Awards.

Il-Maniġer ta' Aġenzija Żgħażagħ Maria Carmela Borg qalet li l-Aġenzija qed torganizza dawn l-Awards sabiex tippremja l-inizjattivi ta' dawn l-għaqdiet tal-istudenti, u b'hekk tħeġġiġhom ikomplu jwettqu aktar inizjattivi li jelevaw liż-żgħażagħ fl-Università u lil hinn minnha.

Tkellem ukoll il-President tal-KSU, Jeremy Mifsud Bonnici, u tenna kemm il-Youth Empowerment Awards huma importanti għaliex jirrikonoxxu ix-xogħol professjonali li jagħmlu l-għaqdiet studenteski.

Il-kategoriji għall-premji huma:

•           The Personal Development Award

•           The Positive Community Contributions Award

•           The Youth-Friendly Information Award

Min jikklassifika l-ewwel, it-tieni, u t-tielet f'kull kategorija se jingħata premju ta' €1000, €500, u €250 rispettivament.

Il-linji gwida jistgħu jiġu aċċessati hawn, filwaqt li n-nominazzjonijiet se jintlaqgħu sal-10 ta' Mejju 2024 hawn.

STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI Jinfetħu n-nominazzjonijiet għall-Youth Empowerment Awards
STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI Jinfetħu n-nominazzjonijiet għall-Youth Empowerment Awards
STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI Jinfetħu n-nominazzjonijiet għall-Youth Empowerment Awards
STQARRIJA MIS-SEGRETARJAT PARLAMENTARI GĦAŻ-ŻGĦAŻAGĦ, IR-RIĊERKA U L-INNOVAZZJONI Jinfetħu n-nominazzjonijiet għall-Youth Empowerment Awards
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦAL GĦAWDEX  Inawgurata Auberge du Chocolat, kunċett ġdid minn Savina Artisan Centre li jgħaqqad l-arti taċ-ċikkulata mal-esperjenza gastronomika Għawdxija

PR261933

STQARRIJA MILL-MINISTERU GĦAL GĦAWDEX Inawgurata Auberge du Chocolat, kunċ...

STQARRIJA MILL-MINISTERU GĦALL-GVERN LOKALI U X-XOGĦLIJIET PUBBLIĊI Kważi nofs miljun ewro f’10 proġetti ta’ playing fields u spazji ta’ rikreazzjoni f’Malta u Għawdex

PR261932

STQARRIJA MILL-MINISTERU GĦALL-GVERN LOKALI U X-XOGĦLIJIET PUBBLIĊI Kważi n...

More Press Releases Right arrow