Left arrow Go Back

STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ: Il-Ministeru għall-Affarijiet Barranin b’laqgħa ta’ tliet ijiem għall-Ambaxxaturi u l-Konsli Onorarji

PR240216
Date Icon 10/02/2024

Bejn il-jiem tal-Erbgħa u l-Ġimgħa, il-Ministru għall-Affarijiet Barranin u Ewropej u l-Kummerċ Ian Borg ospita l-laqgħa annwali tal-Ambaxxaturi u l-Konsli Onorarji ta’ Malta f’pajjiżna. Il-laqgħa serviet bħala pjattaforma biex jiġi rikonoxxut lir-rwol ċentrali tal-Ambaxxaturi u l-Konsli Onorarji u biex jiġu diskussi l-kisbiet li saru sa issa kif ukoll l-impenji prospettivi li ġejjin fuq l-isfera globali.

Il-Ministru Ian Borg esprima l-apprezzament tiegħu għad-dedikazzjoni u l-ħidma kemm tal-Ambaxxaturi kif ukoll tal-Konsli Onorarji, filwaqt li enfasizza lir-rwoli kruċjali tagħhom biex jinżammu l-aqwa relazzjonijiet diplomatiċi, fil-promozzjoni ta’ rabtiet kummerċjali u kulturali, u fl-għoti ta’ servizzi konsulari madwar id-dinja, b’mod rispettiv.

Ġie enfasizzat l-impenn proattiv ta’ Malta fl-affarijiet internazzjonali, partikolarment iċ-Chairpersonship tal-OSCE ta’ din is-sena u s-siġġu mhux permanenti tal-Kunsill ta-Sigurtà tan-Nazzjonijiet Magħquda. 

Il-Ministru Borg ħabbar kif fiż-żmien li ġej Malta li se tkun qed tissottemetti b’mod uffiċjali l-applikazzjoni tagħha biex tissieħeb fl-Organizzazzjoni għall-Kooperazzjoni Ekonomika u l-Iżvilupp (OECD), u enfasizza l-benefiċċji potenzjali li dan se jġib għat-tiswir tal-politika internazzjonali u l-promozzjoni ta’ aktar opportunitajiet.

Waqt li rrifletta fuq l-20 anniversarju ta’ Malta fl-Unjoni Ewropea, il-Ministru Borg esprima l-fatt li pajjiżna se jkun qed iwessa’ aktar l-orizzonti tiegħu fi ħdan l-isfera Ewropea u semma kif din il-kisba ser tkun qed tiġi mfakkra permezz ta’ diversi avvenimenti matul din is-sena.

Dwar l-isfera ekonomika globali, il-Ministru Borg enfasizza r-reżiljenza u l-pjan strateġiku ta’ Malta biex tkompli tattira investiment barrani f’bosta setturi.

Bħala konklużjoni, il-Ministru Ian Borg tkellem ukoll dwar id-dedikazzjoni ta’ Malta biex trawwem id-djalogu u l-kollaborazzjoni fuq kwistjonijiet Mediterranji, filwaqt li enfasizza l-importanza tas-sigurtà, l-istabbiltà, ir-reżiljenza, u l-prosperità fir-reġjun u lil hinn, liema huma l-prijoritajiet ewlenin li Malta qed tibbaża it-tmexxija taċ-Chairpersonship tal-OSCE fuqhom.

Il-laqgħa ntemmet b’impenn li javvanzaw l-interessi ta’ Malta fix-xena globali u titrawwem il-kollaborazzjoni ma’ msieħba internazzjonali.

Matul din il-laqgħa l-Ambaxxatur ta’ Malta għall-Ukrajna John Debono ġie ppremjat bħala Ambaxxatur tas-Sena. Fl-istess ħin is-Sa Sephora Gauci kienet premjata bħala d-Diplomatika tas-Sena.

STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ: Il-Ministeru għall-Affarijiet Barranin b’laqgħa ta’ tliet ijiem għall-Ambaxxaturi u l-Konsli Onorarji
STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ: Il-Ministeru għall-Affarijiet Barranin b’laqgħa ta’ tliet ijiem għall-Ambaxxaturi u l-Konsli Onorarji
STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ: Il-Ministeru għall-Affarijiet Barranin b’laqgħa ta’ tliet ijiem għall-Ambaxxaturi u l-Konsli Onorarji
STQARRIJA MILL-MINISTERU GĦALL-AFFARIJIET BARRANIN U EWROPEJ U L-KUMMERĊ: Il-Ministeru għall-Affarijiet Barranin b’laqgħa ta’ tliet ijiem għall-Ambaxxaturi u l-Konsli Onorarji
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦAL GĦAWDEX  Inawgurata Auberge du Chocolat, kunċett ġdid minn Savina Artisan Centre li jgħaqqad l-arti taċ-ċikkulata mal-esperjenza gastronomika Għawdxija

PR261933

STQARRIJA MILL-MINISTERU GĦAL GĦAWDEX Inawgurata Auberge du Chocolat, kunċ...

STQARRIJA MILL-MINISTERU GĦALL-GVERN LOKALI U X-XOGĦLIJIET PUBBLIĊI Kważi nofs miljun ewro f’10 proġetti ta’ playing fields u spazji ta’ rikreazzjoni f’Malta u Għawdex

PR261932

STQARRIJA MILL-MINISTERU GĦALL-GVERN LOKALI U X-XOGĦLIJIET PUBBLIĊI Kważi n...

More Press Releases Right arrow