STQARRIJA MILL-MINISTERU GĦAS-SAĦĦA U L-ANZJANITÀ ATTIVA
Il-Fondazzjoni għas-Servizzi Mediċi se jkollha lil Mark Mallia bħala l-Kap Eżekuttiv ġdid tagħha. Dan b'effett mix-xahar id-dieħel u wara li Carmen Ciantar tat ir-riżenja tagħha u ġiet milqugħa mill-Ministru għas-Saħħa u l-Anzjanità Attiva Jo Etienne Abela.
Filwaqt li l-Ministru Jo Etienne Abela rringrazzja lil Carmen Ciantar għall-viżjoni u d-dedikazzjoni tagħha fit-tmun tal-FMS matul dawn l-aħħar seba' snin u nofs, huwa awgura lil Mark Mallia għall-irwol il-ġdid tiegħu fiż-żmien li ġej.
Il-Kurunell Mark Mallia hu gradwat mill-Università ta' Malta fosthom fil-Business Management. Huwa ġej minn karriera distinta fil-Forzi Armati ta' Malta fejn okkupa diversi pożizzjonijiet prominenti ta' responsabbiltà. Preżentament jokkupa l-kariga ta' Kap Eżekuttiv ta' Identità fejn mexxa inizjattivi u wettaq bidliet importanti.
Other Press Releases:
PR261933
STQARRIJA MILL-MINISTERU GĦAL GĦAWDEX Inawgurata Auberge du Chocolat, kunċ...
PR261932