Left arrow Go Back

STQARRIJA MILL-MINISTERU GĦALL-INKLUŻJONI, IL-VOLONTARJAT U D-DRITTIJIET TAL-KONSUMATUR Fi Brussell ġie diskuss il-kunċett ta’ assistenti personali għal persuni b’diżabilità

pr230453
Date Icon 27/03/2023

Fi Brussell, delegazzjoni mill-Ministeru għall-Inklużjoni, il-Volontarjat u d-Drittijiet tal-Konsumatur immexxija mill-Ministru Julia Farrugia Portelli, kellha taħdidiet uffiċjali mal-European Network of Independent Living (ENIL).

Il-laqgħa ffukat fuq il-miżura tal-Baġit 2023 fejn il-gvern se jkun qed jinvesti €4.2 miljun fuq il-kunċett ta' assistenti personali u Independent Community Living biex aktar persuni b'diżabilità jkunu jistgħu jilħqu l-potenzjal tagħhom. Din il-laqgħa hija l-ewwel pass biex matul din is-sena tiġi ffinalizzata r-riforma tal-assistenti personali skont il-linji gwida tal-European Network for Independent Living.

Matul din il-laqgħa, il-Ministru Julia Farrugia Portelli qalet li l-għan tal-gvern huwa li jkompli jirriforma u jsaħħaħ is-sistema tas-servizzi offruti lil persuni b'diżabilità. Dan sabiex il-persuna b'diżabilità mhux biss tkun fiċ-ċentru tas-servizz iżda tkun fuq quddiem fit-tfassil u t-tħaddim tas-servizz.

Il-Ministru Farrugia Portelli saħqet li permezz ta' din ir-riforma l-pajjiż mhux biss se jkun qiegħed isaħħaħ il-kwalità tal-ħajja tal-persuni b'diżabilità iżda se jkun qed ikompli jimplimenta l-Konvenzjoni għad-Drittijiet tal-Persuni b'Diżabilità tal-Nazzjonijiet Magħquda (UNCRPD). Din hi l-akbar għodda fejn persuna li tkun tixtieq tibqa' tgħix f'darha b'mod indipendenti tkun tista' tagħmel dan.

Kamil Goungor u Nadia Hadad mill-ENIL iddiskutew l-aħjar prattiċi għall-implimentazzjoni tal-iskema tal-Assistenza Personali f'konformità mal-UNCRPD.  Huma enfasizzaw fuq il-ħafna benefiċċji tas-sistemi ta' assistenza personali, inkluż żieda fl-indipendenza, appoġġ personalizzat, titjib fil-produttività, aktar inklużjoni soċjali, piż imnaqqas fuq min jieħu ħsiebhom, aktar aċċess għall-edukazzjoni u l-impjieg, u titjib fuq is-saħħa fiżika u mentali tal-persuni b'diżabilità. Huma faħħru l-impenn ta' Malta fl-introduzzjoni ta' din l-iskema ta' assistenti personali kif ukoll dwar il-proċess li tiġi introdotta liġi li tipprovdi rikonoxximent legali u protezzjoni għall-assistenza personali.

Min-naħa tiegħu, il-Kap Eżekuttiv tal-Aġenzija Sapport Oliver Scicluna ddeskriva l-laqgħa bħala waħda produttiva. “F'din il-laqgħa komplejna mhux biss insaħħu r-relazzjoni ma' għaqda Ewropeja b'saħħitha fis-settur tad-diżabilità, iżda wkoll komplejna nitgħallmu iżjed rigward dak li għandna bżonn biex insaħħu s-servizz tal-assistenti personali f' pajjiżna," qal is-Sur Scicluna.

Min-naħa tagħha, il-President tal-Federazzjoni Maltija tal-Għaqdiet tal-Persuni b'Diżabilità (MFOPD), Marthese Mugliette, li tirrappreżenta 38 NGO fis-settur tad-diżabilità, faħħret l-impenn tal-gvern fl-introduzzjoni ta' din l-iskema tal-assistenti personali. Semmiet kif skemi bħal dawn jgħinu aktar persuni b'diżabilità jilħqu l-potenzjal tagħhom.

STQARRIJA MILL-MINISTERU GĦALL-INKLUŻJONI, IL-VOLONTARJAT U D-DRITTIJIET TAL-KONSUMATUR Fi Brussell ġie diskuss il-kunċett ta’ assistenti personali għal persuni b’diżabilità
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦAL GĦAWDEX  ŻiguŻajg jirritorna Għawdex għat-tielet darba bil-produzzjoni ‘What’s Missing’ għall-istudenti

PR261939

STQARRIJA MILL-MINISTERU GĦAL GĦAWDEX ŻiguŻajg jirritorna Għawdex għat-tie...

PRESS RELEASE BY THE MINISTRY FOR EQUALITY AND CIVIL RIGHTS Malta records one of the strongest improvements in gender equality in the EU

PR261938en

PRESS RELEASE BY THE MINISTRY FOR EQUALITY AND CIVIL RIGHTS Malta records o...

More Press Releases Right arrow