Left arrow Go Back

STQARRIJA MILL-MINISTERU TAL-EDUKAZZJONI, KULTURA, ŻGĦAŻAGĦ U SPORT

pr1700
Date Icon 06/10/2009
Iċ-Ċentru Malti Għall-Kwalifikijipproċessa 4,000 talba minn Studenti Maltin
Il-Ministeru tal-Edukazzjoni, Kultura,Żgħażagħ u Sport jerġa’ jikkundanna bil-qawwa kollha il-kampanja bla bażi tal-kelliem tal-Oppożizzjoni dwar l-Edukazzjoni Evarist Bartolo, li għal gwadann politiku qed ikomplu jmexxi kampanja qarrieqa ta’ misinformazzjoni u jagħmel akkużi bla bażi kontra l-Ministru tal-Edukazzjoni.
Kuntrarjament għal dak li qed jallega EvaristBartolo, il-Ministeru tal-Edukazzjoni, permezz tal-Kunsill Malti għall-Kwalifiki u ċ-Ċentru ta’ Informazzjoni għar-Rikonoxximent tal-Kwalifiki, qed jagħmel kampanji sħaħ ta’ informazzjoni fuq il-mezzi tax-xandir u l-gazzetti u ppubblika wkoll fuljett dwar is-servizzi li jagħti fejn jidħol ir-rikonoxximent tal-kwalifiki u l-bżonn li kull student li jkun se jagħmel korsijiet offruti minn universitajiet barranin jew se jmur jagħmel xi kors barra l-pajjiż, jivverifika maċ-Ċentru dwar l-istituzzjonijiet edukattivi u l-kwalifiki mogħtija minnhom.
Din il-kampanja tant hi waħda intensiva li ċ-ĊentruMalti għall-Kwalifiki f’dawn l-aħħar xhur irċieva u pproċessa mhux anqas minn 4,000 talba minn studenti Maltin li staqsew dwar universitajiet barranin jew korsijiet offruti minnhom u l-kwalifiki li jagħtu.
Il-Ministeru tal-Edukazzjoni u d-Direttoratgħall-Kwalita’ u Standards fl-Edukazzjoni flimkien mal-Kummissjoni Nazzjonali dwar l-Edukazzjoni Ogħla, ħejjew abbozz ta’ liġi ġdid dwar l-Edukazzjoni li fost affarijiet oħra se jkun fiha provvedimenti li jirregolaw it-tagħlim li jingħata minn kumpaniji privati billi joħloq strutturi li joħorġu l-liċenzji meħtieġa u jassiguraw il-kwalita’ tat-tagħlim. F’dan ir-rigward Malta qed timxi fuq linji adottati mill-Unjoni Ewropea.
Il-Ministeru tal-Edukazzjoni jiċħadkategorikament l-akkuża ta’ Evarist Bartolo li qed iħalli abbużi u frodi edukattivi. Il-Ministeru jaf x’inhuma l-obbligi tiegħu u jimxi magħhom fl-aħjar interess tal-istudenti Maltin.
Id-Direttorat għall-Kwalita’ u Standards fl-Edukazzjonili hu responsabbli mill-ħruġ tal-liċenzji għal istituzzjonijiet edukattivi mhux governattivi, jiċħad ukoll kategorikament li illiċenzja xi post għat-tagħlim li ma għandux il-permessi meħtieġa mill-MEPA.
Il-Ministeru jixtieq jassigura lill-istudentikollha u lill-pubbliku in ġenerali li hu impenjat li jassigura l-aqwa livelli fl-edukazzjoni.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  “Id-deċiżjonijiet fil-qasam tas-saħħa mentali jridu jitfasslu fuq l-esperjenzi tan-nies” – Id-Deputat Prim Ministru Ian Borg

PR261988

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA “...

STQARRIJA MILL-MINISTERU GĦALL-INKLUŻJONI U L-VOLONTARJAT  Imfakkar il-65 anniversarju ta’ The Duke of Edinburgh’s International Award f’Malta

PR261987

STQARRIJA MILL-MINISTERU GĦALL-INKLUŻJONI U L-VOLONTARJAT Imfakkar il-65 a...

More Press Releases Right arrow