Left arrow Go Back

Iċċelebrat Jum il-Ħarsien tal-Annimali

pr1687
Date Icon 04/10/2009
Kull 4 ta’ Ottubrutiġi ċċelebrata l-festa ta’ San Franġisk patrun ukoll tal-annimali. Għalhekk tiġi ċċelebrata wkoll ġurnata ddedikata għal ħarsien tal-annimali. Sabiex jitfakkar dan il-jum il-Ministru għar-Riżorsi u l-Affarijiet Rurali George Pullicino dalgħodu indirzza konerenza stampa fil-prezenza tad- Direttorat ġdid fil-Ministeru speċjalizzat dwar it-trattament xieraq  u l-protezzjoni ta’ l-annimali kif ukoll tal-Guide Dogs Foundation.
Membri tal-GuideDogs Foundation tkellmu dwar kemm sabu l-klieb importanti u essenzjali f’ħajjithom tant li ddeskrivew lill kelb tagħhom bħala dak li tahom lura ħajjithom. Il-Membri tal-Guide Dogs Foundation filwaqt l irringrazzjaw lill-Gvern tal-kollaborazzjoni tiegħu mal-fundazzjoni appellaw lill pubbliku sabiex meta jaraw lill-dawn il-klieb ma jieqfux imelsuhom kif ukoll sabiex jekk waqt is-sewqan jintlemaħ għadejj kelb li jkun qed jidderieġi lil sidu, is-sewwieqa jsuqu bilmod. Huma wkoll irringrazzjaw lill-pubbliku tal-koperazzjoni tagħhom.
Intant il-Ministrugħar-Riżorsi u l-Affarijiet Rurali George Pullicino filwaqt li rringrazzja lill-membri tal- Guide Dogs Foundation sostna li l-annimali f’dal każ il-klieb mhux biss huma ħbieb tan-nies iżda wkoll kapaċi jkunu tas-servizz għal-istess bniedem. Il-Ministru Pullicino żied jgħid li l-okkażjoni ta’ dalgħodu isservi ta’ eżempju tajjeb ta’ kemm il-klieb kapaċi jbiddlu verament il-ħajja tan-nies filwaqt li kkundanna kull atta ta’ vjolenza li jsir minn xi wħud fuq l-annimali. Il-Ministru Pullicino fl-indirizz tiegħu qal li qatt daqs l-aħħar xhur dan is-settur ma ngħata daqstant importanza u għarfien.  Huwa rrifera għal fatt li s-sena l-oħra twaqqaf Dirrettorat ġdid għal-ħarsien tal-annimali li fl-ewwel sena tiegħu salva ‘l fuq minn 700 kelb abbandunat mit-toroq.
Biex ikunikkontrollat it-tixrid ta’ aktar annimali fit-triq bl-abbuzi kollha li dan iġib miegħu, matul dawn l-aħħar xhur kemm ilu mwaqqaf wettaq programm fejn ġew neutered  ‘l fuq minn 2000 kelb u qattus. Il-Gvern jipprovdi l-fondi għall-operazzjonijiet kollha kif ukoll għall-aftercare, jiġifieri jħallas sabiex l-annimali jkunu jistgħu jfiqu u jinzammu għall-kura sakemm jirkupraw mill-operazzjoni. Id-direttorat għandu wkoll  kuntatt kontinwu u jikkolabora ħafna mal-pulizija tal-A.L.E. li spiss ikun hemm bzonn ta’ l-għajnuna tagħhom f’kazijiet fejn isiru rapporti ta’ moħqrija ta’ l-annimali speċjalment f’residenzi privati.
Żvillup importantili seħħ din is-sena kien it-twaqqif ta’ servizz ta’ ambulanza għall- annimali

24 siegħa kuljum. Minn meta nbeda dan is-servizz minn Gunju sa ftit tal-jiem ilu kien hemm ‘l fuq minn 2000 każ fejn din l-ambulanza ġiet mgħajta. Dan is-servizz jitħaddem b’kollaborazzjoni sħiħa mal-NGO’s.  

Il-Ministru Pullicino qal li proġett ieħor importanti huwa l-bini ta’ l-Animal Welfare Centre li għaddej bħalissa f’Ta’ Qali. L-iskop ta’ dan il-bini huwa li l-annimali tat-triq li jkollhom bżonn kura medika jkunu jistgħu jġu kkurati u wara jkunu jistgħu jittieħdu f’dan iċ-ċentru. Huwa attenda wkoll ghall-festivitajiet organizzati mill-SPCA fl-okkazjoni tallum fil-Park Nazzjonali f’Ta’ Qali. Il-Ministru Pullicino rringrazzja lill-ħaddiema tad-Dipartiment għal-protezzjoni ta’ l-annimali kif ukoll lill-għaqdiet non governattivi li jaħdmu fil-qasam tal-annimali.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  “Id-deċiżjonijiet fil-qasam tas-saħħa mentali jridu jitfasslu fuq l-esperjenzi tan-nies” – Id-Deputat Prim Ministru Ian Borg

PR261988

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA “...

STQARRIJA MILL-MINISTERU GĦALL-INKLUŻJONI U L-VOLONTARJAT  Imfakkar il-65 anniversarju ta’ The Duke of Edinburgh’s International Award f’Malta

PR261987

STQARRIJA MILL-MINISTERU GĦALL-INKLUŻJONI U L-VOLONTARJAT Imfakkar il-65 a...

More Press Releases Right arrow