Left arrow Go Back

Il-Ministru tal-Ġustizzja u l-Intern jiltaqa’ mal-Ambaxxatur Ġdid tal-Istati Uniti

pr1676
Date Icon 02/10/2009

Il-Ministru tal-Ġustizzja u l-Intern, l-Onor. Carm Mifsud Bonnici, illum wara nofsinhar laqa’ għandu l-Eċċellenza Tiegħu Prof. Douglas Kmiec waqt żjara ta’ kortesija li dan tal-aħħar għamel lill-Ministru fil-Berġa ta’ Aragona, fil-bidu tat-terminu tiegħu bħala l-Ambaxxatur ġdid tal-Istati Uniti tal-Amerika.

It-tema dominanti waqt din iż-żjara kienetl-immigrazzjoni illegali u r-rwol ta’ appoġġ importanti li l-Istati Uniti tal-Amerika qed tieħu fil-konfront ta’ pajjiżna, speċjalment billi taċċetta immigranti li jingħataw status ta’ refuġjat jew protezzjoni sussidjarja minn Malta.
Il-Ministru Mifsud Bonnici u l-Ambaxxatur Kmieciddiskutew l-iżvilupp reċenti f’dan il-qasam, fosthom it-tisħiħ tal-operazzjoni fl-uffiċċju tal-UNHCR f’Malta. Dan qed iwassal biex jitħaffef konsiderevolment il-proċess ta’ screening li huwa meħtieġ biex persuni li jingħataw status ta’ protezzjoni minn Malta jkunu jistgħu jiġu rilokati lejn l-Istati Uniti. Ta’ min isemmi li r-rilokazzjoni ta’ 37 immigrant lejn l-Istati Uniti tul Settembru kien possibbli għax l-iscreening qed isir b’aktar ħeffa. Il-Ministru tal-Ġustizzja u l-Intern awgura li dan il-proċess jibqa għaddej bl-istess ritmu fil-futur.
Il-Ministru Carm Mifsud Bonnici weral-apprezzament tiegħu għall-ħidma kbira li qed issir mill-Istati Uniti li wasslet biex jiġu rilokati 340 immigrant minn Malta lejn l-Amerika. Huwa saħaq li dan is-suċċess inkiseb ukoll għax ġiet iffurmata sinerġija importanti bejn uffiċjali tal-Ministeru tal-Ġustizzja u l-Intern u l-uffiċjali tal-Ambaxxata.
Il-Ministru temm billi rringrazzjalill-Ambaxxatur Kmiec talli pajjiżu aċċetta r-rappreżentazzjonijiet li għamlet Malta dwar il-pressjonijiet li kienet qed tiffaċċja minħabba l-immigrazzjoni illegali u talli qed toffri triq umanitarja għal dawn l-immigranti li qed jingħataw protezzjoni f’Malta.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  “Id-deċiżjonijiet fil-qasam tas-saħħa mentali jridu jitfasslu fuq l-esperjenzi tan-nies” – Id-Deputat Prim Ministru Ian Borg

PR261988

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA “...

STQARRIJA MILL-MINISTERU GĦALL-INKLUŻJONI U L-VOLONTARJAT  Imfakkar il-65 anniversarju ta’ The Duke of Edinburgh’s International Award f’Malta

PR261987

STQARRIJA MILL-MINISTERU GĦALL-INKLUŻJONI U L-VOLONTARJAT Imfakkar il-65 a...

More Press Releases Right arrow