Left arrow Go Back

Diskors mill-Onor. Mario Galea, Segretarju Parlamentari għall-Anzjani u Kura fil-Komunita’ fl-okkażjoni tal-ftuħ tas-sena Akkademika fl-Universita’ tat-Tielet Eta’ – FLORIana -  3 ta’ Ottubru 2008

pr1412
Date Icon 03/10/2008
Fil-kamp Internazzjonali Malta kienet l-ewwelpajjiż li poġġiet il-fenomenu tal-anzjanita’ quddiem id-dinja. Dan sar f’Ottubru fl-1968, preciżament 40 sena ilu meta Malta ressqet quddiem il-Ġnus Magħquda l-proposta biex l-anzjanita’ tibda tiġi meqjusa bħala fenomenu globali.
Fil-fatt Malta kellha sehem importanti fl-ewwelassemblea mondjali dwar l-anzjanita’ li saret fi Vjenna f’Lulju 1982 meta pajjiżna ppresieda din l-assemblea. Imbagħad fl-1986 fl-Universita’ ta’ Malta twaqqaf l-Istitut tal-Ġerentologija biex iħarreġ fil-qasam akkademiku numru ta’ professjonisti li qegħdin jaħdmu fost l-Anzjani.
Fl-1988 b’riżultat ta’ ftehim bejn il-GvernMalti u l-Ġnus Magħquda twaqqaf f’Malta l-uniku Istitut Internazzjonali tal-Ġnus Magħquda dwar l-anzjani. Mill-korsijiet tal-Ġerentoloġija li saru minn dan l-Istitut kemm f’Malta u anke f’ħafna pajjiżi madwar id-dinja, bbenefikaw aktar minn 2,000 ruħ minn madwar 45 pajjiż.
Wara li fl-1987 twaqqaf is-SegretarjatParlamentari għall-Anzjani kien hemm enfasi qawwija fuq kif l-Anzjani jistgħu jibqgħu  jgħixu fil-komunita’ fejn ikunu għexu għal ħafna żmien. Li tidħol f’residenza għall-anzjani għandha tkun verament l-aħħar alternattiva.
Għalhekk inħolqot firxa wiesgħa ta’ servizzifil-komunita’ bl-għan mhux biss li jgħinu lill-Anzjani iżda ukoll li jgħinu lill-familji tagħhom biex ikomplu jieħdu ħsieb l-għeżież tagħhom. Meta l-Anzjani ma jkunux jista’ jibqgħu jgħixu fil-komunita’, s-soċjeta’ Maltija qed tagħmel dak kollu li tista’ biex itejjeb il-ħajja tal-anzjani li jidħlu f’xi Dar tal-Anzjani fil-komunita’.
Ta’min ifakkar li tul is-snin saret bidla mill-qiegħ fir-Residenza San Vinċenz de Paul. Illum dan il-post hu rinovat. Hawn wieħed ma jistax ma jsemmix il-kontribut immens tal-knisja f’Malta u kif ukoll il-privat fil-qasam tal-anzjani.
Tamin isemmi li bħalissa fil-qasam tal-anzjani hemm total ta’ 3,663 sodda imqassmin bejn gvern, privat u knisja. Dawn jinkludu wkoll il-kumpless ta’San Vinċenz. Dan ifisser li min total ta’ 3663 sodda il-gvern għandu ftit inqas min 2000 sodda, filwaqt li 738 huma tal-Knisja u 960 tal-privat.
Fl-1994 twaqqaf il-Kunsilltal-anzjani bl-għan li dan jagħti pariri lill-gvern fil-qasam ta’ l-Anzjani. Deċiżjoni oħra mportanti ttieħdet fl-1993 meta twaqqfet għall-ewwel darba l-Universita’ tat-Tielet Eta’. L-Universita’ tat-Tielet Eta’ hija ezempju ħaj ta’ servizz mill-Anzjani għall-Anzjani. Ta’ kull sena madwar 650 anzjan/anzjana qed jibbenefikaw mill-korsijiet li jsiru għalihom. Sal-lum kważi 10,000 anzjan/anzjana attendew l-Universita’ tat-Tielet Eta’.
Hawn ta’ min jinnota li qedjikber l-interess fost l-anzjani tagħna biex ikomplu jitgħallmu.  Naħseb anki dan huwa fenomenu ġdid li qed jikber f’dan l-aħħar snin. Insemmi n-numru kbir ta’ korsijiet li jiġu offruti mill-kunsilli lokali (Courses tal-computer u tant oħrajn) li għalihom jattendu għadd ta’ anzjani. Insemmi wkoll il-korsijiet li jsiru fid-day centers tal-Anzjani li għalihom ukoll jattendu għadd ta’ anzjani.  Il-filosfija li t-tagħlim hu għal ħajtek kollha hija filosofija tajba kemm għalina individwalment kif wkoll għal pajjiżna w irridu nkomplu ninkoraġġuha.

Aħna qegħdin ngħixu aktar. In-numru ta’ anzjani qiegħed dejjem jiżdied. Insemmu biss li fis-sena 2015 hu mistenni li jkun hawn 77,000 persuna li għandhom il-fuq minn 65 sena. Fis-sena 2050 dan in-numru se jitla’ għall-aktar min 100,000.

Insostni li anki hawn għandna bżonn attitudnidifferenti ta’ kif inħarsu lejn l-anzjani. Għal pajjiz zgħir bħal tagħna l-aqwa riżors li għandna hu r-riżors uman. Għalhekk irridu nħarsu lejn l-anzjani bħala riżorsa importanti ħafna. L-anzjani huma minjiera ta’ esperjenza u ħafna minnhom huma esperti fil-qasam li jifhmu fih. L-anzjani għandhom valur fl-attivita’ ekonomika ta’ pajjizna. Kien proprju għalhekk li fl-aħħar budget il-gvern introduċa miżura fejn l-anzjani li jagħzlu li jibqgħu jaħdmu wara l-eta’ tal-irtirar jistgħu jagħmlu dan mingħajr ma jitilfu l-pensjoni. Grazzi għal din il-miżura  n-numru ta’ anzjani jaħdmu fuq bażi full time jew part time fil-fatt żdied b’1000 meta komparat mas-sena l-oħra.
Kifgħedt fil-messaġġ tiegħi għal Jum Dinji ddedikat lil anzjani irrid nieqaf biex nirringrazzja lil Anzjani kollha. Nirringrazzjahom l-ewwel u qabel kollox għax fejn hemm għaqda jew organizazzjoni volontarja se ssib l-anzjani. Żgur mhux forsi. Intom l-anzjani r-ruħ ta’ pajjiżna għax żammejtu ħajja l-valuri tradizzjonali tagħna, fost l-oħrajn il-valuri tas-solidarjeta’, dak li tgħin lil ħaddieħor. Li tagħti mingħajr ma tistenna xejn lura.
Grazzi ta’ dak li għamiltu il-bieraħ u l-bieraħlura biex pajjiżna llum hu dak li hu. Grazzi għal ħafna li għadkom qed tagħmlu. Grazzi talli llum qegħdin hawn l-Universita’ tat-Tielet Eta’ biex għada tkunu ippreparati aħjar. Komplu tgħallmu. Għad għandna bżonnkom. Ħafna wkoll.
Share this Press Release Icon socials Icon socials Icon socials Icon socials

Other Press Releases:

STQARRIJA MIS-SEGRETARJAT PARLAMENTARI FIL-MINISTERU GĦALL-ENERĠIJA, L-AMBJENT U R-RIĠENERAZZJONI TAL-PORT IL-KBIR  Imħabbra passi konkreti dwar il-ħarsien tal-annimali f’pajjiżna waqt laqgħa mal-għaqdiet volontarji fis-settur

PR261978

STQARRIJA MIS-SEGRETARJAT PARLAMENTARI FIL-MINISTERU GĦALL-ENERĠIJA, L-AMBJ...

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  “Is-suċċess tas-saħħa pubblika jitkejjel ukoll minn dak li jirnexxilna nevitaw” – Id-Deputat Prim Ministru Ian Borg

PR261977

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA “...

More Press Releases Right arrow